Ditzionàriu in línia
de sa limba e de sa cultura sarda

caómbu , nm: colombu, columbu, culumbu Definizione genia de pigione mannu; númene chi si giaet a s'ómine o a su piciochedhu istimau forte; in cobertantza, abbogau inganniosu, trancamallosu Sinonimi e contrari atopi, tidori, tidu 2. culumbedhu meu, no mi batas cussu achidu: pone mente a mamma! ◊ su columbu meu istimadu! Cognomi e Proverbi smb: Colombu, Columbu / prb: maridu anzenu columbu paret Terminologia scientifica pzn, columba palumbus, c. livia, c. oenas Etimo ltn. columbus Traduzioni Francese pigeon Inglese pigeon Spagnolo paloma Italiano colómbo, piccióne Tedesco Taube.

tidòne , nm: tidoni, tidore, tidori, tidóriu Definizione columbu areste; bàtile o pícula a giogare e orrugu de linna, puru Sinonimi e contrari caombu, dudone, palumba, tidu Frasi dhoi funt tidórius, trudus, lèpuris, bussus e nacarredhas ◊ bròcias de tidórius ◊ ci torras a sa bia de is Lioris, is arregordos prus bonos e caros si pesant coment'e is tidoris (B.Liori) Cognomi e Proverbi smb: Tidore Terminologia scientifica pzn, columba palumbus Etimo ltn. *titone(m) Traduzioni Francese pigeon ramier Inglese ring-dove Spagnolo paloma torcaz Italiano colombàccio Tedesco Ringeltaube.