Ditzionàriu in línia
de sa limba e de sa cultura sarda

comédia , nf: cumédia, cummédia Definizione chistiones de sa vida, mescamente po ndhe pòdere erríere, comente dhas presentant in teatru is atores, coment'e chi siant acontessendho tandho o fintzes solu iscritas; fata de ccn. chi faet a erríere o faet acostire gente a iscurtare, a bíere po curiosidade Frasi sa cummédia est piàghida meda: sa zente fit totu crebendhe de su risu 2. za l'at pesada sa cumédia, cussu tontu, pro cosas de nudha! ◊ maridu e muzere si sunt brigados: una cumédia, in carrela, chi no ti naro mancu s'àtera, totu prenu de zente! Traduzioni Francese comédie, scène ridicule Inglese sham Spagnolo comedia Italiano commèdia, scèna ridìcola Tedesco Lustspiel.

mustrànscia , nf Definizione mustras, ingestos a giogu, po ispetàculu; fintzes mustra, cosa chi si portat ananti po dha castiare Frasi cantas bellas mustrànscias apo bidu: betzos chi torraiant a pisedhos ballendhe e tzacotendhe, ricos chi ndhe faghiant sos chelvedhos bombitendhe… ◊ sas baxanas acudiant a piata a bídere cudha mustrànscia de Zorzi Etimo srd. Traduzioni Francese scène, spectacle Inglese scene, show Spagnolo escena, espectáculo Italiano scèna, spettàcolo Tedesco Szene, Schauspiel.