Ditzionàriu in línia
de sa limba e de sa cultura sarda

béndhia, béndhida , nf: béndhua, béndira, béndita, véndua Definizione su bèndhere, su giare sa cosa a càmbiu apare po dinare Sinonimi e contrari benda 1 | ctr. còmpora Frasi chin sos sodhos de sa béndhia de una domedha betza at comporau su materiale pro concruire sa domo noba ◊ sunt in béndhua sempre a sa barata ma no bi essit ne lana e ne casu ◊ immoi est créscia sa béndida de is computeras Etimo itl. Traduzioni Francese vente Inglese selling Spagnolo venta Italiano véndita Tedesco Verkauf.

ispàtzu , nm: spàciu Definizione su ispaciare, bèndhere sa cosa Sinonimi e contrari benda 1 Frasi su tzilleraju fit tentu a sonnu ca no bi aiat ispatzu ◊ Santu Antine no tenet ispatzu: no bi at comporadores chi possedant sa muneda bastante a si leare totu s'ammaju de sa festa (P.Pillonca) Etimo srd. Traduzioni Francese écoulement, vente Inglese sale Spagnolo venta Italiano smèrcio Tedesco Absatz.