Legenda Abbreviazioni | Legenda Simboli

alciàda , nf: altzada, antiada, antziada, arciada, artiada 1, artzada, artziada, asciada, atzada, atziada Definizione su artzare a unu logu prus in artu, su mòvere de bàsciu a pitzu, a in artu; tretu, logu chi faet andhandho e faendhosi prus artu / min. arciaredha, cdh. altzatedha Sinonimi e contrari altzadòglia, ampuada, apilicada, ficada, muntada, petorru, picada, pigadorza, pontinsusu, pugiada / pesada | ctr. cabada, falada Modi di dire csn: arciara, artziada de ogru, artziata de cara = castiada, ocrada (tempus: unu sinnu); atziada de ingéniu = bella pessada, bona; fàghere o fai una cosa in d-un'artzada de oju = in d-unu sinnu, in lestresa meda; alciada de conca, de sàmbene = acucada, idea mala, cosa pagu sàbia detzisa de un'improntu Frasi a s'altzada de s'Udrone fut s'oràriu de lòmpere ◊ a s'alciada de sa fiama lughiat totu ◊ una màchina est arratulendhe in s'arciada 3. ispendhiat su dinari in d-un'artzada de oju ◊ dexi dis passant in d-un'artziada de ogus ◊ custu cane cumprendhet totu a s'artziada de s'ocru ◊ dogni altzada de oju ti pienat su coro de dolore ◊ it'est cust'alciada de bigirria?!…◊ s'istajone fiorida in d-un'asciada de oju est isparida! (A.Porcheddu) Terminologia scientifica slg Etimo srd. Traduzioni Francese montée Inglese ascent Spagnolo subida Italiano ascésa, levata, salita Tedesco Aufstieg, Aufgehen.

altzadòglia, altzadòlza , nf: altziadroxa, artzadroxa, artziadroxa Definizione logu in pesada Sinonimi e contrari ampuada, apiculada, apilicada, ficada, muntada, petorru, picada, pigadorza, pugiada | ctr. cabada, falada Frasi su caminu est una caminera andhalitorta in altzadòglia Etimo srd. Traduzioni Francese rude montée Inglese ascent Spagnolo cuesta Italiano èrta Tedesco steiler Weg.

muntàda , nf Definizione logu inue tocat a artzare, in pesada; si narat fintzes de su coberimentu chi faet su mascu a s'animale fémina Sinonimi e contrari alciada, altzadòglia, ampuada, picada, pigadorza, pugiada / montada | ctr. cabada Terminologia scientifica slg Etimo ctl. muntada Traduzioni Francese rude montée Inglese ascent Spagnolo cuesta, pendiente Italiano èrta Tedesco Steigung, steiler Weg.

picàda , nf: pigada, pigara Definizione tretu longu po passare a punta in susu, in pesada, mescamente in logu de monte / pigada de iscala = parti de un'iscala manna, de un'arrepranu a s'àteru, itl. rampa Sinonimi e contrari alciada, altzadòglia, ampuada, muntada, pigadorza, pugiada | ctr. cabada, falada Frasi po lompi a pratza de domu sua dhui at una pigadedha ◊ est istraca pro su caminu in pigada chi at fatu ◊ ant fatu in picada unu tretu mannu a pè Terminologia scientifica slg Etimo srd. Traduzioni Francese montée, rampe, rude montée Inglese ascent Spagnolo pendiente, cuesta Italiano salita, èrta Tedesco Aufstieg.

«« Cerca di nuovo