Ditzionàriu in línia
de sa limba e de sa cultura sarda

agrústu , nm: argustu Definizione luo, fundhu de bide mannu fatu crèschere in calecuna mata Sinonimi e contrari arbustu*, barrali, bégula, berguladu, bidichinzu, imbragu, lú, parra, pilighinzu, pórtiu, trica, tricarju Frasi mannoi prantesit un'àlbure de péssighe in s'oru de s'agrustu ◊ un'agrustu tenia in sa corte ma no essendhe prus pudadu no fit che prima bellu e forte ◊ so inoche, in sa corte, suta de s'argustu ◊ si at inchesu unu mesu zigarru e si l'est assaporjandhe in s'umbra de s'argustu Traduzioni Francese pergola Inglese bower Spagnolo parra Italiano pèrgola Tedesco Weinlaube.

barràli , nm: parrali Definizione pértiga de bide lassada crèschere longa, cun tantas pudas, istérria in artu in puntedhos, pértigas o cannitzada e fintzes custa etotu fata po mantènnere sa bide Sinonimi e contrari agrustu, bégula, berguladu, bidichinzu, imbragu, lú, parra, pilighinzu, pórtiu, stassili, trica, tricarju Frasi de su barrali mannu teneus is cantinas prenas de pabassa… Cognomi e Proverbi smb: Barrale Etimo spn. parral Traduzioni Francese pergola, treille Inglese bower Spagnolo parra Italiano pèrgola Tedesco Laube.

bégula , nf, nm: bérgula, bérgulu, pérgula Definizione canna de bide fata crèschere longa, cun pudones a meda e istérria in artu in frucàgios e pértigas (o fintzes in filos zingaos) Sinonimi e contrari agrustu, barrali, berguladu, bidichinzu, imbragu, lú, parra, pilighinzu, pórtiu, stabi, trica, tricarju Frasi at ammanitzadu unu furcalzu pro su bérgulu de s'ortu ◊ essia a giogare, a mi apicare subra de sas àrvures, in sa bégula ◊ su binu nostru est totu de ua de bérgulas Etimo itl. Traduzioni Francese pergola, treille Inglese bower Spagnolo parra Italiano pèrgola Tedesco Weinlaube.

bergulàdu , nm: pergulatu Definizione pértia de bide fata crèschere longa, cun pudas a meda e istérria in frucàgios e pértigas o filos, in artu Sinonimi e contrari agrustu, barrali, bégula, bidichinzu, imbragu, lú, parra, pilighinzu, pórtiu, stàgui, stassili, trica Frasi sas traessas sunt totu fatas a berguladu Traduzioni Francese pergola, treille Inglese bower Spagnolo parral Italiano pergolato Tedesco Weinlaube.

stassíle, stassíli , nm: istassile, statzile, statzili Definizione canna o pértiga de bide fata a luo; genia de istatu o cannitzada apicada ue si ponet su casu (o àteru) po dh'afumare e asciutare, o chistire Sinonimi e contrari barrali, berguladu, tricarju / arreciau, cadaletu 1, canníciu, casaletu Etimo srd. Traduzioni Francese pergola, treille Inglese bower Spagnolo parra Italiano pergolato Tedesco Laube.

tricàrju , nm: trigàgiu, trigarzu, trijarzu Definizione bide fata a luo e coment'e a órdine artu: a logos su trigarzu est su linnàrgiu Sinonimi e contrari agrustu, barrali, bégula, berguladu, bidichinzu, parra, pórtiu, stàgui, stassili, trica, trugalzu Frasi cussu trigarzu est gàrrigu de budrones e de iscaluzedhos de àghina niedha ◊ s'ispórula andhat in sos tricarjos, mescamente in fundhos de ribu Etimo srd. Traduzioni Francese treille, berceau Inglese bower Spagnolo parra, emparrado Italiano pergolato Tedesco Weinlaube.