Ditzionàriu in línia
de sa limba e de sa cultura sarda

segurànscia, seguràntza, seguràntzia , nf: sicuràscia, sicuràntzia, sigurantza, siguràntzia Definizione su èssere seguros de una cosa, su èssere una cosa segura, giare seguresa / po donzi bona siguràntzia = po èssere prus seguros Sinonimi e contrari arree, firmesa, seguresa, siguria Frasi sas pedras de su runaghe ponent segurànscia de antigória zenia ◊ totu in custa vida passat sena seguràntzia ◊ su naturali suu no tenit segurantza ◊ chirco un'aggarru de sicuràntzia chi mi mantenzat a pilu abba in su mare de sos sónnios (M.Piga)◊ si càmbias sa lampadina, po mellus siguràntzia istacu sa currenti ◊ cussos campant in sicuràscia ◊ in su mundu ita seguràntza nci at? Etimo srd. Traduzioni Francese certitude, fermeté Inglese certainty, firmness Spagnolo seguridad, fiabilidad Italiano sicurézza, fermézza, affidabilità Tedesco Sicherheit, Standhaftigkeit.

segurèsa, segurèxa , nf: sicuresa, siguresa Definizione su èssere seguros de una cosa, su èssere una cosa segura, fintzes sa trancuillidade chi benit de su ischire Sinonimi e contrari certesa, segurànscia, seguria, seguridade Frasi custu l'ischimus cun seguresa ca tenimus sas proas ◊ sos murtaresos si mantenent informatos po àere carchi notíssia chi azungat unu pizu de sicuresa a su viazu de Manfred ◊ no dhi podestus arrefaciai cun siguresa chi fut narendi fàulas in calencunu iscopu chi no cumprendestus 2. sa cultura de sa messarítzia at donau rispostas po fai sèmpiri ugualis is cosas, at donau seguresa ◊ sa connoscéntzia de su sardu no impoberitat sa persona, ma dh'arricat e dhi donat seguresa ◊ Deus at elegidu sas eclésias coment'e logu de seguresa ◊ donnu Bennardinu at fatu óbbrigu de agabbare sos avolotos e preubbiu sas armas, zandhe seguresa a totugantos Etimo srd. Traduzioni Francese certitude Inglese certainty Spagnolo seguridad Italiano sicurézza Tedesco Sicherheit.

siguría , nf Definizione su èssere seguros Sinonimi e contrari segurànscia, seguresa Frasi totu sas sigurias de sa gioventura si sunt pérdidas in su restu de sa vida Traduzioni Francese certitude Inglese certainty Spagnolo seguridad Italiano sicurézza Tedesco Sicherheit.