Legenda Abbreviazioni | Legenda Simboli

cadíra , nf: carida, carira Definizione genia de mobbília po cicire, artighina, a bàtoro peis e cun is palas Sinonimi e contrari cadrea Modi di dire csn: sètziri a c. = sere in cradea; sèdere in punta de cadira = a orighedhu, in s'ata; bènniri (o andai, èssiri) a c. sétzia = pònneresi deretu a manigare (o àteru), chentza fàghere nudha pro ndhe ammanitzare, andhare a faina fata; pigai a unu a cadiredha santa, a (o in) pala cadira, o a pala cardiga = zúchere a càtara, sétidu subra de sas manos intradas apare de àteros duos; c. de bratzus = a bratzos (pro arrumbare sos bratzos); aturai che Annica chentz'e c. = furcadu, ingannadu; cadiredhas = una creze de cambaredha minuda chi impreant fintzas pro aesca sos piscadores Frasi pícadi sa cadira e sede! ◊ at postu is cadiras totu a ingíriu de sa mesa ◊ parit cadira de paraímpiu, totu iscosciada!◊ is pipias furint giogandho cun is cosas chi si faent in domo, a pículas, cun is pipias de tzàpulu e faiant is telàrgios cun is cadiras po giogare a tèssere 2. est chi dèu apu portau ciorbedhu, si no iast fatu su chi boliast prima de ti cojai e femu aturara che Annica sentza de carira! ◊ séditi bene, che in domo tua, chi ses sétia in punta de cadira! 3. cussa est genti chi est a cadira sétzia! Terminologia scientifica mbl Etimo ctl. cadira Traduzioni Francese chaise Inglese chair Spagnolo silla Italiano sèdia Tedesco Stuhl.

cadrèa , nf: catrea, cradea, cradera, cratea Definizione trastu, genia de mobbília po cicire, artighina, a bàtoro peis e cun is palas / min. cadreedha, cadreighedha, craderedha; genias de c.: fissa, a fórtighe (cun is peis intraos apare a scéscia cun assaedhu e su paris de artzare apalas, pertitindho deosi de dha serrare e chistire in pagu logu)/ portare a unu a palagadrea, a càtara, a catra = pigai a unu a cadiredha santa, a (o in) pala cadira (o a pala cardiga, a cadir’e oro), sétidu subra de sas manos de àteros duos intradas apare Sinonimi e contrari cadira Frasi lèadi sa cadrea a ti sere! ◊ so andhadu a domo sua ma no mi at porridu mancu sa cadrea! ◊ si nche pesat dae sa cratea inuve est séitu 2. mi so ammaculiadu in sa cadrea a tretos de ndhe rúere! Terminologia scientifica mbl Etimo ltn. cathedra Traduzioni Francese chaise Inglese chair Spagnolo silla Italiano sèdia Tedesco Stuhl.

cadreàtu , nm Definizione móbbile po cicire, coment'e cadrea, a bratzos in costaos, fintzes po pigare unu malàidu ciciu Sinonimi e contrari cadreone Frasi ancu ndhe lu batant in cadreatu!… Etimo srd. Traduzioni Francese chaise haute Inglese big chair Spagnolo sillón Italiano seggiolóne Tedesco Lehnstuhl.

cadreèdha , nf Definizione min. de cadrea, cadira pitichedha (sa de duas /e/, cussa de su sufissu, no s'intendhet e po cussu su foedhu est fintzes iscritu cun d-una sola)/ min. cadredhutza Sinonimi e contrari cadreighedha, catriedha Frasi intro a coghina e mi tratenzo solu cun d-una cadredhutza iscarrugada (P.Zenzero) Traduzioni Francese petite chaise Inglese small chair Spagnolo sillita Italiano seggiolina Tedesco kleiner Sthul.

cadreighèdha , nf Definizione min. de cadrea, cadira pitichedha Sinonimi e contrari cadreedha Traduzioni Francese petite chaise Inglese small chair Spagnolo sillita Italiano seggiolina Tedesco kleiner Stuhl.

cadreòne , nm: cadregone Definizione cradea manna, mescamente de unu logu comente est una crésia, unu tribbunale, inue cicit un'autoridade Sinonimi e contrari cadirone, cadreatu, cadreolu Traduzioni Francese chaise haute Inglese big chair Spagnolo silla grande Italiano seggiolóne Tedesco Lehnstuhl.

cadrigòni , nm Sinonimi e contrari cadirone, cadreatu Traduzioni Francese chaise haute Inglese big chair Spagnolo silla grande Italiano seggiolóne Tedesco Lehnstuhl.

«« Cerca di nuovo