Ditzionàriu in línia
de sa limba e de sa cultura sarda

difarénsia , nf: difaréntzia, diferénscia, diferénsia, diferéntzia, diferéssia Definizione totugantu su chi no torrat impare, de duas cosas o chistiones, totu su chi distinghet una cosa de un'àtera / segai sa diferénsia = pònnere de acordu duos, chircare de fàghere torrare paris duas ideas o àteru in disacórdiu Sinonimi e contrari distintzione, diversidade Frasi giai si biet sa diferéntzia tra is pipios erricos e is pòberos! ◊ bi at diferéssia manna tra su chi naro deo e su chi narat isse ◊ in nois duos bi est sa difaréntzia e gai amos divèscia sa cusséntzia! (Piras)◊ s'arràngiat una morti de ómini e no si arràngiat custa diferéntzia?! ◊ pitica sa diferénsia: po mei a is noi est coia, po issu est tardu!◊ no aus tentu mai una diferéntzia cun pobidha mia! Traduzioni Francese différence Inglese difference Spagnolo diferencia Italiano diffèrenza, diversità, discrepanza Tedesco Verschiedenheit, Unterschied.

diversidàde, diversidàdi , nf: divertzidadi, divescidade Definizione su èssere diferentes, totu su chi distinghet una cosa de un'àtera, s'unu de s'àteru Sinonimi e contrari difarénsia Frasi sa diversidadi est armonia chi guvernat su mundu cumenti bófiu dh'at e fatu Deus ◊ si unu faedhat, pregat, tribàgliat a sa manera sua, medas lu cherent pessighidu e distruidu pro custa divescidade Traduzioni Francese diversité Inglese difference Spagnolo diversidad Italiano diversità Tedesco Verschiedenheit.