Legenda Abbreviazioni | Legenda Simboli

afrínzu 1 , nm Definizione su afrinzare, su passare acanta agiummai tocandho, su tocare a lébiu a lébiu; fintzes atzerodhu, improdhu, cosa male cumbinada, fata chentza cabu, cosa chi no andhat bene Sinonimi e contrari isfrisada 2. cussu est un'afrinzu, no est cosa séria! Etimo srd. Traduzioni Francese frôlement Inglese grazing Spagnolo roce Italiano sfioraménto Tedesco Streifen.

cunsòlza , nf: cunsorza, cussòglia, cussolza, cussòrgia, cussorja, cussorxa, cussorza Definizione prus che àteru, su logu a ue faet fúrriu unu pastore, ue tenet su bestiàmene a pàschere; si narat fintzes de totu unu logu, unu sartu o fintzes de tantos sartos, de una o de tantas bidhas Sinonimi e contrari ammindha, segadu / leada Modi di dire csn: sbaratzamí sa cussòrgia! = essimiche dae cue!, baidindi allestru!, sbordígia!; essíreche foras de cussorza (in carchi chistione) = fai contus macus, isbagliaus Frasi est sempre cun sa tasca a pala girendhe sa cussorza ◊ su pastore at cambiadu sa cunsorza ca, ue fit, su logu fit manigadu ◊ is pastoris de sa cussorxa nosta est totu genti chi fait a si fidari 2. s'annu si nch'est issiu ponendhe postema de dolore a sa zente de totu sa cussorja ◊ falat unu ribu chi abbat totu sas cussorjas 3. s'abbocau Pirina fit de sos penalistas prus balentes de sa cussorja 4. tandho arresonaus, ma chena che essire foras de cussorza! Terminologia scientifica pst Etimo ltn. cursoria Traduzioni Francese pâture Inglese country, grazing Spagnolo terreno de pasto Italiano zòna adibita a pàscolo, contrada Tedesco Weideland, Gegend.

mínda, míndha , nf: ammindha, minna Definizione su terrenu tentu a pàsculu, su pàsculu puru (su chi creschet a solu e fintzes su semenau); a logos est una fune longa po acapiare su cuadhu a manera de pòdere pàschere / min. mindhighedha; prèndhere (su mannale) a mindha = trobeire o prèndhere a cadena de no istesiare; nàsciri a minda = a meda Sinonimi e contrari cunsolza, musungili, paschidórgiu, pastura Frasi no dhue iat mancu unu cantu de minna pro amminnare s'àinu ◊ su pastore deviat dare contu a unu fiotedhu de fiados berveghinos in sa mindha 2. in citadi nascint is domus coment'e su cardulinu a minda! Terminologia scientifica pst Traduzioni Francese pâture Inglese grazing (land) Spagnolo pasto, dehesa Italiano territòrio a pàscolo Tedesco Weideland, Trift.

paschimènta, paschiméntu , nf, nm: pascimenta, pascimentu Definizione su pàschere, su istare paschendho, fintzes s'erba de pàsculu; sa paga chi si giaet a su pastore (pruschetotu de pegos mannalitzos po dhos portare a pàschere) Sinonimi e contrari paschera, paschinzu Frasi su pastore fit cun su tazu in paschimenta ◊ su cadhu fit in paschimenta in sa tanca ◊ s'abe est in paschimenta ◊ su bestiàmini nostu fut a duas bortas de cussu de su cumpàngiu e su pascimentu torràt duas a una Etimo srd. Traduzioni Francese pâturage Inglese grazing Spagnolo pasto Italiano pàscolo Tedesco Weide.

rasiràsi , avb Definizione in manera chi andhat o passat serente Etimo srd. Traduzioni Francese rasant Inglese grazing Spagnolo rasante Italiano radènte Tedesco streifend.

«« Cerca di nuovo