Ditzionàriu in línia
de sa limba e de sa cultura sarda

póbulu , nm: pópulu Definizione sa gente chi, mescamente po sa limba, su logu inue istat de tempórios, s'istória chi at fatu si distinghet de un'àtera gente o natzione; sa gente coment'e cosa distinta de chie tenet su cumandhu de su guvernu, su manígiu de is poderes de s'istadu Sinonimi e contrari nassione, gente / ttrs. póburu Frasi su póbulu ch'in profundhu letargu fit sepultadu, finalmente dispertadu si abbizat chi est in cadena (F.I.Mannu)◊ as pagadu a sa muda donzi tassa, Pópulu sardu, avesu a obbedire (A.Casula)◊ ti nau de coru gràcias impai a totu su pópulu sardu ◊ comintzendhe sa Missa, totu su pópulu riconnoschet sos pecados suos Etimo itl. Traduzioni Francese peuple Inglese population Spagnolo pueblo Italiano pòpolo Tedesco Volk.

populasciòne, populassiòne, populassòne, populatziòne , nf Definizione sa gente, totu sa gente de una bidha, de unu logu / densidade de p. = tanti de personas a chilómitru cuadrau (si faet ispartzindho su tanti de sa gente cun su logu contau a km2) Sinonimi e contrari bidha, gente, pobuladu Etimo itl. Traduzioni Francese population Inglese population Spagnolo población Italiano popolazióne Tedesco Bevölkerung.