Ditzionàriu in línia
de sa limba e de sa cultura sarda

chircadòre , agt, nm: circadori, cricadore Definizione chi o chie cricat, o istat cricandho, essit a cricare; istudiosu chi cun métidu iscientíficu faet cricas aprufundhias Sinonimi e contrari chircante / istudiosu Frasi istinchidha de fraile atzesa mandhat adhae s'ojada chircadora ◊ sos chircadores no abbastaiant a cumprèndhere a ue fit isparida sa gama Etimo srd. Traduzioni Francese chercheur Inglese searcher Spagnolo investigador Italiano ricercatóre Tedesco Forscher.

compudadòre , nm, agt: cumpudadore, cumpudadori Definizione chi o chie cómpidat, avérguat calecuna cosa, andhat a castiare, a bíere, istat sèmpere compidendhe cosa, a su cómpida cómpida fintzes ue o cosa chi no depet Sinonimi e contrari compidajolu, forrogadori Etimo srd. Traduzioni Francese chercheur Inglese rummager, searcher Spagnolo revisor, investigador Italiano controllóre, frugatóre, ricercatóre Tedesco Kontrolleur, Kramer, Forscher.

forrogadòri , agt, nm: forroxadore Sinonimi e contrari bulizone, compidajolu, corroveri, cumpudadore, forradore, forrocheri Terminologia scientifica ntl Etimo srd. Traduzioni Francese fouilleur Inglese searcher Spagnolo hurgón Italiano frugatóre Tedesco Kramer.

mortorzéri , agt Definizione chi andhat aifatu de is mortògios, chi cricat mortógiu Sinonimi e contrari mortorgiali Frasi ses atatu chei s'ae mortorzera (G.A.Cossu)◊ sempre subra de sas ruinas sas aes mortorzeras faghent festa! Etimo srd. Traduzioni Francese qui cherche des charognes Inglese carrion searcher Spagnolo carroñero Italiano che va alla ricérca di carógne Tedesco aassuchend.