Ditzionàriu in línia
de sa limba e de sa cultura sarda

selvidòre , nm, agt: serbidore, serbidori, servidore, sirvidore Definizione persona, ómine, chi atendhet a ccn. a pagamentu (nau de f., -a); chi serbit o andhat a serbire Sinonimi e contrari teracu, lacaju 1 Etimo ctl., spn. Traduzioni Francese domestique Inglese servant Spagnolo servidor, criado Italiano servitóre Tedesco Diener.

teràcu , nm: (su t. = suteràcu) ceracu seracu, teragu, tzaracu* Definizione ómine pagau po serbire a contu de mere angenu, fintzes persona isfrutada, obbrigada a serbire chentza profetu suo / su t. de pè = tzeracu chi a paga pigat annu cun annu su batorunu de totu su chi produet e a is chimbe annos fintzes su batorunu de su bestiàmene; su t. pagadu = tzeracu pagau a dinare Sinonimi e contrari intzeracu | ctr. mere Frasi sos Sardos no sunt nàschidos teracos, ma solu pòveros ◊ fia teracu anzenu ma a sos vinti annos mi ndh'essei e mi ponei abbandha ◊ su teracu est in podere de su mere Traduzioni Francese serviteur Inglese servant Spagnolo criado, doméstico Italiano sèrvo Tedesco Diener.

tzaràcu , nm: ceracu, seracu, teracu, tzeracu Definizione ómine pagau po serbire a contu de mere angenu; fintzes giòvono, piciocu / leare o portare a ccn. a tzerachinu = coment'e unu tzeracu Sinonimi e contrari intzeracu / cdh., ttrs. tziracu Frasi a issa dh'arrespetant tzeracus e meris ◊ furat su tzeracu, furat sa serbirora e ti faint torrai a s'ossu! ◊ su tzerachedhu si aiat atzapatu un'àteru mere e si nche fit annatu ◊ candho cumenciaiat a amannitare, unu, dhu mandhànt a tzerachedhu cun meres angenos po dhi giare un'imbudu de trigu Traduzioni Francese domestique Inglese servant Spagnolo criado, doméstico Italiano sèrvo Tedesco Diener.