Ditzionàriu in línia
de sa limba e de sa cultura sarda

bandhiàre 1 , vrb Definizione andhandho, pèrdere sa filada de un'improntu, girare a una bandha de malesaura o a dónnia modu chentza dhu bòllere / andhare bandhiendhe = a egas e a ogas Sinonimi e contrari istantonai, tontonare Traduzioni Francese faire une embardée Inglese to skid Spagnolo derrapar Italiano sbandare Tedesco schleudern.

iscadriadúra , nf Definizione su iscadriare Sinonimi e contrari fuzidura, liscinamentu Frasi sos pisedhos che pigant a sas àrbules mannas in su truncu e ndhe falant in sos rampos a iscadriadura Etimo srd. Traduzioni Francese glissement Inglese skid Spagnolo deslizamiento Italiano slittaménto Tedesco Rutschen.

iscadriàre , vrb: iscradiare, iscraidare, iscraliare Definizione mòvere, camminare cun is peis chentza dhos artzare de terra ca su logu no dhos lassat arrèschere: si podet nàrrere de àtera cosa puru chi si movet a sola in logu tropu allisau o in calada (o fintzes de cosa lisa chi fuit o essit de manos) Sinonimi e contrari allescinai, cadriare, fugire, illascinare, illiscigare, irrusciulare, iscalusciare, lascinare, lassingiare Frasi che so iscadriadu in terra ◊ m'iscràdiat che iscata de sabone dae manos ◊ candho at bidu su fizu iscadriendhe in s'oru de una raza est curtu che lampu ◊ candho est pro nos intrare in punzu nos iscàdriat che colora dae manu ◊ che li est iscraliada sa tzicheredha dae manos Etimo srd. Traduzioni Francese glisser Inglese to skid Spagnolo deslizar Italiano slittare Tedesco rutschen.