Ditzionàriu in línia
de sa limba e de sa cultura sarda

achicài 1 , vrb: achicare 1, achichiae, achichiai, achichiare, achichiari Definizione foedhare segandho su foedhu, naendhondhe una parte a tantas bortas coment’e chi unu no arrennèsciat a dhu nàrrere intreu totu a una sulada Sinonimi e contrari bebbecare, chechinare, cocojare Frasi s'assessore Chessa faedhanne in su telèfono àltziat sa boghe, si afutat, achicat, si faghet ruju ruju… (A.Cossu)◊ su fuedhu bogancedhu bèni, ca tui achicas! 2. chi podit iscabidhai, sa bagadiedha, gei no abarrat achichiendu!… Etimo srd. Traduzioni Francese bégayer Inglese to stammer Spagnolo tartamudear Italiano balbettare Tedesco stottern.

chechinàre , vrb: chichinare Definizione foedhare achicandho, nàrrere is foedhos a arrogus e a mússius, cun dificurtade po difetu Sinonimi e contrari achicai 1, cocojare Frasi candho timiat, su pitzinnu no resessiat a ispricare paràula e si poniat a chichinare ◊ cun sa tremuledha li at nadu, chichinandhe, de s'ispozare Etimo srd. Traduzioni Francese bégayer Inglese to stammer Spagnolo balbucear, tartamudear Italiano balbettare Tedesco stottern.