Legenda Abbreviazioni | Legenda Simboli

leonàghe, leonàgi , nm, nf: leonasu, leonarxu, leonaxi, leunaxi, lionagi, lionàgia, lionàrgiu 1, lionarxu, lionarzu, lionaxi Definizione ‘erba’ chi faet isturridare, genia de linna chi faet a tupighedha, ma fintzes a mata no tanti manna, faet cambos e mescamente pigionatzos noos deretos e creschet meda erriu erriu, ma si prantat puru po bellesa ca istat càrrigu de frore meses e meses; portat sa fògia longa, a punta, manna, faet unu frore in colore de orrosa, biancu o orrúbiu segundhu sa calidade e cumprit una teghighedha ue faet su sèmene: fògia e sèmene funt toscosos Sinonimi e contrari aliandru, lannaxi, lisandru 2, lobaxu, neulache*, olionaxu, olisandru 1, olivandru, solionaxu Frasi tia Maria dhue tenet una mola de leonasu cun sos frores colore de rosa Terminologia scientifica mt, Nerium oleander Traduzioni Francese laurier-rose, oléandre Inglese oleander Spagnolo adelfa Italiano oleandro Tedesco Oleander.

neulàche , nm: neulaghe, neulagi, neulasche Definizione 'erba' chi faet isturridare, genia de linna chi faet a tupa, e fintzes a mata ma no manna, faet cambos e mescamente pigionatzos noos nébidos, deretos, e creschet meda erriu erriu, ma si prantat puru, po bellesa, ca istat càrrigu de frore meses e meses; portat is fògias longas, a punta, mannas, faet unu frore in colore de orrosa, biancu o orrúbiu segundhu sa calidade, e cumprit una teghighedha ue faet su sèmene: fògia e sèmene funt toscosos Sinonimi e contrari aliandru, lannaxi, leonaghe, olionaxu, olivandru Frasi sos presetos s'iscontzant in códulas istérrias a lecucu tra neulaches mortos e frunzudos de su riu Terminologia scientifica mt, Nerium oleander Etimo srdn. Traduzioni Francese laurier-rose Inglese oleander Spagnolo adelfa Italiano oleandro Tedesco Oleander, Rosenlorbeer.

sabadíglia , nf: sebadíglia, sebidíglia, sebidíllia, sibidíglia, sibidíllia Definizione genia de erba velenosa e púdia, faet s'arraighina grussa e no sicat mai deunudotu (solu sa fògia); in calecunu logu dhu narant a s'oleandru Sinonimi e contrari teredha / lannaxi, neulache Frasi ant bufadu pianghendhe su velenu de sa lua e fele de sabadíglia Terminologia scientifica rba, Helleborus lividus, mt, Nerium oleander Etimo itl. sabadiglia Traduzioni Francese ellébore vert Inglese hellebore Spagnolo heléboro, adelfa Italiano ellèboro vérde Tedesco grüne Nieswurz.

«« Cerca di nuovo