Ditzionàriu in línia
de sa limba e de sa cultura sarda

audída , nf Definizione su audire, su chi si narat o chi si faet coment'e incoragiandho, giaendho fortza a su chi bolet o faet s’àteru Sinonimi e contrari auditu, incoramentu Frasi su fizu si est cojadu cun cussa zòvana e at tentu s'audida de su babbu e de sa mama Etimo srd. Traduzioni Francese approbation, assentiment Inglese approval Spagnolo aprobación, asentimiento Italiano approvazióne, assènso Tedesco Zustimmung.

audítu, audítziu , nm Definizione su iscurtare coment’e po giare coràgiu o arrexone a s'àteru, fintzes po dhi giare su cuntentu, po pònnere mente; si narat fintzes in su sensu de permissu Sinonimi e contrari ascurtu / audida, pelmissu Frasi dogni annu isperat custu, ma Deus auditu no li at dadu (P.Serra)◊ tue sempre innotzente ses istadu sentza dare a sos malos auditu ◊ Casparru aiscultaiat totu, chena dare audítziu ◊ fineint de dare audítziu e donzunu apeit su trabàgliu ◊ vos l’avio naradu, ma non mi azes dadu auditu! 2. pro colare in custu logu tenzo s'auditu de su mere ◊ chie ti at dadu auditu a intrare a inoghe? Traduzioni Francese écoute, assentiment Inglese listening, approval Spagnolo escucha, aprobación Italiano ascólto, benestare Tedesco Hören, Zustimmung.

cunsénsu , nm Definizione volontade o decisione a favore de calecuna cosa, su èssere o si nàrrere de acórdiu Sinonimi e contrari adduida, adduimentu Traduzioni Francese approbation, consentement Inglese assent Spagnolo consentimiento, aprobación (f) Italiano consènso Tedesco Zustimmung.