Legenda Abbreviazioni | Legenda Simboli

basamatònes, basamatònis , nm: baxamatoni Definizione cresiàsticu a tropu, chie che istat sèmpere in crésia e giaet a bíere una fide de pagu giudu, fata de apariéntzia prus chi no de sustàntzia Sinonimi e contrari apontziadori, moitzu 1, santicu, satrapone Etimo srd. Traduzioni Francese bigot Inglese bigot Spagnolo mojigato, beato Italiano bacchettóne Tedesco Scheinheilige.

beàdu , agt, nm: biadu, biau Definizione chi est cuntentu meda, ma a bortas nau unu pagu a befa o a murrúngiu; coment'e númene – su biadu, sa biada – unu chi est mortu, o fintzes unu biu ma nau a befa (agiummai pigandhodhu coment'e chi no si agatet etotu) Sinonimi e contrari ibbiadu, imbiadu 1 / cdh. biatu / cabuene, coltzu, finau, moltu, spaciau Modi di dire csn: e biadu e chi… = manera de nàrriri chi podit inditai duus pentzus diferentis: a) e de gràtzias ca, podeus arringratziai, èssiri prexaus ca…, b) batallendi cun ccn. chi no dha pentzat o no fait acomenti a nosu, serbit a ponni in craru su pentzu de s'àteru narendidhu a befa coment'e chi siat cosa bona Frasi biadu a chie ti torrat a bídere! ◊ de cussus binti annus no ndi arregordat unu prus biadu de is àterus ◊ est cantendu a boxi biada ◊ biau… fortunadedhu a èssiri agatau totu cudhu dinai! ◊ biadu a s'ómini chi dhi at a podi losingai is trempas a cussa picioca! ◊ biadu a tie, fizu meu, chi ses pisedhu! ◊ immoi seis mortus: si agateis biadus in sa glória! 2. biadu a tie, za ti l'as bidu s'apretu, tota die corcadu!…◊ biadu a chie ti torrat a bídere… e ue che paraias, totu cuss'ora?! ◊ biadu tue, no ses andhadu mancu a su mortu! 3. su biadu de babbu, candho si agataiat, no asseliaiat mai, sempre triballendhe ◊ sa biada de mamma naraiat sempre a no che la fuliare sa cosa! ◊ no dhi neris biau fintzas chi no est mortu e tudau 4. cussos biados de onorèvoles a ite che sunt, inoghe, a mamutones?!◊ bículu de ómine, su biadu de frade tou, a no nos dare una manu bidíndhennos in bisonzu! 5. e biadu e chi bi l'amus sa cosa, proite a la comporare? ◊ e biadu e chi ti azuant, proite no los cheres? ◊ bi at Sardos chi sa Sardinna la zughent a pesu (e biadu e chi bi at chie pessat a si che la leare!…)◊ mandronatzu, menzus ti che la lassas furare sa cosa chi no ti ndhe la collis: e biadu e chi bi at chie si che la furat, berus?!… Etimo itl. Traduzioni Francese heureux, bienheureux Inglese defunct, happy, blissful Spagnolo beato Italiano beato, defunto Tedesco glücklich, verstorben, Glückliche, Verstorbene.

cumprensòre , agt Definizione chi godit biadesa Sinonimi e contrari beadu Frasi sos martires cumprensores bos riconnoschent reina ◊ sezis cumprensore de su chelu pro sa fide Traduzioni Francese bienheureux Inglese blissful Spagnolo beato Italiano beato Tedesco selig.

santícu , agt, nm Definizione chi o chie est atacau a tropu a cosas de crésia, ma chentza dhue crèdere meda o de una manera pagu séria Sinonimi e contrari apontziadori, basamatone, moitzu 1, satrapone Frasi santica za est ma est peus de chie a crésia no bi andhat ◊ custos santicos no los cretedas, ca sunt satrapones! ◊ no fatzas sa santica, ca ses cadhotza e lègia! ◊ cussu no fit tantu santicu e ndhe faghiat a cadhu e a pè Etimo srd. Traduzioni Francese bigot Inglese bigot Spagnolo beato Italiano santòcchio, bigòtto, beghino Tedesco bigott, scheinheilig.

«« Cerca di nuovo