Ditzionàriu in línia
de sa limba e de sa cultura sarda

bidrínzu , nm Definizione bidhighedha de pagas domos Sinonimi e contrari bichinadu, bidhichedha, bidhiciolu, furriadolzu, madau, trechinzu Traduzioni Francese hameau Inglese hamlet Spagnolo caserío Italiano casale, borghétto Tedesco Weiler.

casíle , nf Definizione domo de sartu, su logu de ue unu est, inue istat; fintzes famíglia, is parentes / gheta casiles = betadomos, dannarzu mannu Sinonimi e contrari dommo, madau / aredeu, arrampile Frasi maridu meu de su coro, no ti che andhes ca mi che ghetas sa casile! 2. giuchiamus, furisteris, pirispone de casile e de muzere (L.Loi)◊ custu est pro tene e pro totu sa casile tua ◊ at picau un'ómine pro cadauna casile de totus sas tribbús Etimo ltn. casalis Traduzioni Francese ferme Inglese farmstead Spagnolo caserío Italiano cascinale Tedesco Meierhof.

dominàriu, dominàrzu , nm Definizione palàtziu, domo manna meda o domos totus impare de matessi mere, prus che àteru in su sartu, cun terrenos meda; fintzes sa parte de s’orrosàriu cun sa rughítula Sinonimi e contrari casamentu / tenimentu Frasi teniat unu dominàriu mannu cantu una furca, una tanca chi istremenada cun sa tanca de Fulanu ◊ in bidha no bi aiat ancora dominàriu adatu pro sas iscolas ◊ duus fiant is dominàrius de Araxixi: sa crésia e su palàtziu Zanda Etimo srd. Traduzioni Francese immeuble Inglese block of buildings Spagnolo caserío Italiano caseggiato, casaménto, edifìcio Tedesco Wohnhaus, Landsitz.