Ditzionàriu in línia
de sa limba e de sa cultura sarda

assémbru , nm: assempru, esémpiu Definizione paragone chi si ponet, cosa chi si ammostat o chi si narat po fàere a cumprèndhere méngius su chi si bolet nàrrere; fintzes su chi est una cosa a su chi paret Sinonimi e contrari paragone / bisura Frasi si como sezis inoghe, po assembru, a sero che podides èssere in América, cun sos mezos de oe ◊ in s'Evanzéliu agatamos assempros de zente chi si acúrtziat a Cristos cun fide ◊ su chi amos légidu est unu de sos assempros chi Cristos at fatu pro ispiegare su chi naraiat 2. unu tempus fint totu carros, no s'ischiat mancu cale assembru teniant sas màchinas! Etimo itl. assempro Traduzioni Francese exemple, similitude Inglese example, similitude Spagnolo ejemplo Italiano esèmpio, similitùdine Tedesco Beispiel, Gleichnis.

esémpiu, esémplu , nm: assembru* Definizione paragone chi si ponet, cosa (o fintzes persona po su chi faet) chi si ammostat, si leat o si narat po fàere a cumprèndhere méngius su chi si bollet nàrrere o chi si bollet imparare Frasi s'esémpiu tocat sèmpere a is mannus a dhu donai ◊ s'esémpiu utieresu de sa cantada benzeit sighidu in àteras bidhas ◊ esémpius bonus eus tentu de is babbus e mamas nostas ◊ Pina est istada mastra de generosidade,esémpiu de umiltade ◊ issu depiat servire de esémpiu a totu cussos chi de sa pulítica si ndhe afutiant, prus afusaos a trampare Traduzioni Francese exemple Inglese example Spagnolo ejemplo Italiano esèmpio Tedesco Beispiel.