Legenda Abbreviazioni | Legenda Simboli

macadòri , nm: macatore, mucadore, mucadori, mucaroi, mucatore, muncadoi, muncadore, muncadori, muncaroi Definizione pinzos de orrobba de pònnere in conca is féminas (o fintzes a betare in palas), cuadrau ma addopiau cun duos bicos impare a manera de arresurtare a triàngulu, orrolau e fintzes acupintu, arricamau: is duos bicos chi abbarrant abbandha si podent acapiare asuta de s'abra, tra sa barra de asuta e su gúturu; pannighedhu piticu de pònnere in busciaca po frobbire pagu cosa (suore, nasu) Sinonimi e contrari tiagiola / mancaloru, mucadoredhu Frasi dha bio sempre in crésia a mucadore liau e a conca fritia! ◊ si pinnicant sos bicos de su mucatore in conca pro si ojare dae su sole ◊ tengu mucaroi mannu, piticu e mucaroi de ciugu ◊ nanchi mi comporao sa bunnedha, sas iscarpas e su macatore… 2. unus cantu giogadoris pigant is cuatru càbudus e is orus de su mucadori tenendidhu isténdiu e s'unu cun s'àteru cumandant: Tira! Indulli! Terminologia scientifica bst Etimo ctl., spn. mocador Traduzioni Francese foulard, mouchoir, pochette Inglese handkerchief Spagnolo pañuelo Italiano fazzolétto Tedesco Kopftuch, Schultertuch.

mancalóru , nm: mucalori, mucaloru, mucarolu, mucaroru, muncaloru Definizione pannighedhu piticu de pònnere in busciaca po frobbire pagu cosa Sinonimi e contrari mucadore, mucadoredhu Frasi zammi su mucarolu po mi dh'issacuare…◊ assora si usiant sos mancaloros a cuadros rúgios Etimo itl., srd. moccaiolo + mucadore Traduzioni Francese mouchoir Inglese handkerchief Spagnolo pañuelo Italiano fazzolétto da naso Tedesco Taschentuch.

mucadorédhu , nm: mucaloredhu, muncadoredhu, muncaloredhu Definizione orrugu cuadrau de orrobba de portare in busciaca po innisire su nasu, limpiare is murros, o àteru; est fintzes muncadore piticu Sinonimi e contrari pannigioledhu, pannutzedhu Frasi cust'ómine comintzat a pránghede a borrighinos e si che at tirau su mucadoredhu de buzaca ◊ pònedi mucadoredhu in busaca, no ti bisonzet! 2. maridu e mulleri fiant a murrúngiu ca issa boliat pigai unu mucadoredhu de seda Traduzioni Francese petit mouchoir Inglese small hanky Spagnolo pañuelo de bolsillo Italiano fazzolettino Tedesco Taschentuch (kleines).

pannigiolédhu , nm Definizione orrugu de orrobba de portare in busciaca a illimpiare su nasu, is murros, o àteru Sinonimi e contrari mucadoredhu, pannutzedhu Traduzioni Francese mouchoir Inglese handkerchief Spagnolo pañuelo Italiano fazzolétto da naso Tedesco Taschentuch.

tiagiòla , nf: tiajola, tiallora, tiaxola, tiazola, tibagiola, tibazola, tivazola Definizione tiagedha brodada de orrobba bona chi is féminas ponent in conca a mucadore candho ponent su costúmene; orrugu mannu de orrobba po si frobbire is manos, sa cara, samunandhosi; tiagedha pitica chi si ponet in mesa po si frobbire is murros papandho e tiaxola est su pannitzu po ingòllere a sartu pane e ingaúngiu imbodhigaos impare; in ccn. logu tiazola est sa pedhe chi portant asuta de su tzugu pendhe pendhe boes e bacas / niae a tiaxolas mannas = frocare a tàpiles mannos, a froca lada Sinonimi e contrari macadori / abbamanu / frebbeucu, pannighedhu, telzibbucu, tialledha, tratabbucu / gangule Frasi mamma ricamaiat tiazolas 2. pigaisí tiaxola, furtica, tassa e gortedhu e benei a prandi ◊ poni tialla e tiallora, in mesa! Etimo srd. Traduzioni Francese linge de bain, serviette de table Inglese napkin, dryer Spagnolo pañuelo, toalla, servilleta Italiano asciugatóio, tovagliòlo Tedesco Tuch.

«« Cerca di nuovo