Ditzionàriu in línia
de sa limba e de sa cultura sarda

cuscensiósu , agt: cuscentziosu, cuscientziosu, cussentziosu Definizione chi faet sa cosa comente dhi narat sa cusciéntzia, bene, a dovere, in manera onesta, chi faendho is cosas no aprofitat de nudha po fàere male o po no fàere su dovere Sinonimi e contrari onestu Frasi tribàgliu cussentziosu cumpro atentu onzi die ◊ issa iscít a iscriri gràtzias a una meri cuscensiosa chi dh'at imparada ◊ non bisòngiat própriu a ndi tenni de cusciéntzia… prus unu est cuscientziosu e peus dhi faint! Traduzioni Francese consciencieux Inglese conscientious Spagnolo concienzudo, responsable Italiano coscienzióso Tedesco gewissenhaft.

responsàbbile, responsàbbili , agt Definizione nau solu de gente, chi arrespondhet, depet arrespòndhere, o si sentit de arrespòndhere de su chi faet e chi po cussu, innanti de fàere calecuna cosa, dhue pentzat bene e dhu faet solu si est giustu e bonu e si si dha sentit de poderare su chi ndhe podet bènnere; si podet cunsiderare sinónimu de líbberu Sinonimi e contrari líbberu Traduzioni Francese responsable Inglese responsible Spagnolo responsable Italiano responsàbile Tedesco verantwortlich.