Legenda Abbreviazioni | Legenda Simboli

aschisórju , nm: ascusógliu, ascusorju Definizione cosa de valore mannu cuada de s’antigóriu: prus che àteru est su tema de medas contos, fintzes de tímere, ca nanca iat a èssere su dimóniu a dhu badrare; logu a cuare Sinonimi e contrari ischisórgiu, pósidu, sidhadu / cuadorzu Frasi sos pitzinnos colabant ube nachi bi fit s'aschisorju prenu de marengos ◊ in cussas percas sunt intuvedhaos che ascusorjos 2. at contau su contu de sos porcos furatos e de s'ascusógliu de sa petza Etimo ltn. *absconsoriu(m) Traduzioni Francese trésor caché Inglese hidden treasure Spagnolo tesoro escondido Italiano tesòro nascósto Tedesco verborgener Schatz.

scasórgiu , nm: ischisórgiu, scraxoxu, screxoxu, scrixoxu, scroxoxu, scrusórgiu, scruxoxu, scusórgiu, scussórgiu Definizione cosa de valore mannu cuada de s'antigóriu: prus che àteru est su tema de medas contos, fintzes de tímere, ca nanca dhue iat a èssere su dimóniu po dhu badrare Sinonimi e contrari aschisorju*, pósidu, scudroxu, sidhadu Frasi genti chi andàt a cicai scruxoxus anca ndi beniant macus de s'assíchidu! ◊ su regnu de is celus est símbili a unu scusórgiu ◊ est circhendu scruxoxus in bidea de si arricai! Traduzioni Francese trésor caché Inglese hidden treasure Spagnolo tesoro escondido Italiano tesòro nascósto Tedesco verborgener Schatz.

sidhàdu , nm: sidhau Definizione cosa de valore mannu cuada de s'antigóriu: prus che àteru est su tema de medas contos, fintzes de tímere, ca nanca dhue iat a èssere su dimóniu badrandhodhu; bene mannu, de valore Sinonimi e contrari aschisorju, ischisórgiu, pósidu, scasórgiu, sidhu 1 / cdh. suidhatu Frasi li molinaiat in conca s'idea de diventare ricu potendhe pònnere sas manos subra de calchi sidhadu ◊ contat sa zente antiga de sidhados a note in terra anzena custoidos: però totu apustis sunt essidos in claru de lughe e fint sodhos furados! (P.Sulis)◊ auguro chi custa siat s'úrtima cantone de sos sidhados, ca su sidhadu mannu est in… sas palas! (G.Piga) 2. sa poesia de sos mannos est unu veru sidhadu chi devimus impreare pro inrichire sa manera moderna de faedhare Etimo ltn. sigillatum Traduzioni Francese ancien trésor caché, de toute antiquité Inglese olg hidden treasure Spagnolo antiguo tesoro escondido Italiano antico tesòro nascósto Tedesco antiker versteckter Schatz.

«« Cerca di nuovo