Ditzionàriu in línia
de sa limba e de sa cultura sarda

abrúciu , nm, nf: abrutzu, aimutu, almuta, almutu, almutzu, alvutu, ammutu 1, arbúciu, arbussu, arbutu, arbutzu, arimutzu, ariputzu, armutu, arputzu, arvutu, arvutza, arvutzu, ebrutzu Definizione genia de erba chi faet a fundhu mannu: asuta portat is arraighinas grussas, coment'e a patata ma longhitas, a medas coment'e a matzu, bogat is fògias totu impare a oru de terra, longas e largas e coment'e a duas perras chi faent a canale e sèmpere prus istrintas a cara a punta; in beranu bogat sa candhelita (iscaria o atzotu), prus pagu de metro, ue faet su frore Sinonimi e contrari afruza, cadilloni, irbutu, iscareja, iscaria, prammutu, sarbutzu, tarabúciu, ulciareu Frasi fit deretu che bandhela de ammutu, a petorras in fora e a cara che berre infuriadu ◊ fut crochendi in isterrimentu de abrúciu Terminologia scientifica rba, Asphodelus ramosus Etimo ltn. albucium Traduzioni Francese asphodèle Inglese king's spear (asphodel) Spagnolo asfódelo Italiano asfodèlo Tedesco Affodill.

cadillòni , nm: cadrilloni, caldilloni, calixone, cardillone, cardilloni, carilloni, carixoni, cradilloni Definizione erba chi faet a fundhu mannu: asuta portat is arraighinas grussas, unu pagu a bisura de patata ma longhitas e a punta, a medas coment'e un'apicone, bogat is fògias totus impare a oru a terra, lisas e a oros paríviles, longas e largas e coment'e a duas perras chi faent a canale e sèmpere prus istrintas a cara a punta; in beranu bogat sa candhelita (iscaria), prus pagu de metro, e faet su frore: foras is arraighinas, totu s'àteru sicat dónni'annu Sinonimi e contrari abrúciu, afruza, iscareja, iscaria, prammutu, tarabúciu, telaputzu, ulciareu Frasi su pillonedhu si nc'est bolau apitzus de unu cambu de cardilloni ◊ po fàiri crobes e palinis s'imperat su calixone isperrau e postu a ammodhiari Terminologia scientifica rba, Asphodelus cerasiferus e A. ramosus Traduzioni Francese asphodèle Inglese asphodel Spagnolo asfódelo Italiano asfodèlo Tedesco Asphodill.

iscarèja , nf, nn: iscareu, ischereu, isciarea, isciareu, iscralea, iscraleu, iscrarea, iscrareja, iscrarésia, iscrareu, iscrereu Definizione erba chi faet a fundhu mannu: asuta portat is arraighinas grussas (coxonale), coment'e a patata ma longhitas, a medas coment'e unu gurdone, a matzu, bogat is fògias totu impare a paristerra, lisas e a oros paríviles, longas e largas e coment'e a duas perras chi faent a canale e sèmpere prus istrintas a cara a punta; in beranu bogat sa candhelita (iscrareu, iscaria), prus pagu de metro, e faet su frore (a meda): foras is arraighinas, s'àteru sicat dónnia annu Sinonimi e contrari abrúciu, afruza, cadilloni, iscaria, prammutu, tarabúciu, telaputzu, ulciareu Frasi cussa portat sas cambas fines che un'isciareu ◊ usciavant su porcu cun focu de iscareja ◊ bi at padros de ischereu ◊ in sa candhelita de s'iscrareu si distinghent sa corria (sa parte de fora, lísia e forte) e sa mata (sa parte de mesu, modhe e débbile) Terminologia scientifica rba, Asphodelus ramosus Etimo ltn. hast(u)la regia Traduzioni Francese asphodèle Inglese asphodel Spagnolo gamón Italiano asfodèlo Tedesco Asphodill.