imperfétu , agt, nm Definizione
chi no est perfetu, chi tenet calecuna neghe o mància, chi fartat in calecuna cosa; nau de su tempus de su vrb. inditat su durare de unu fatu passau chi at sighiu o chi est durau calecunu tempus (ischia chi fis triballendhe, fiat totu sa dí pruendi, fut togu a biri cuss'ispetàculu!, de su chi naraiat cudhu no ndhe perdiat una peràula, de candho li fit faghindhe male no ndh'est manighendhe prus): s'impreat fintzes po giare s'idea de unu disígiu (si mi azuaias za ndhe tenzo bisonzu!; si la faghias, cussa faina, como chi ses iscaitzu!…; si andhaias, como chi est ora bona!…; chi mi dhu donàst un’arroghedhu de pani!…), o po inditare una cunditzione (e su chi ndhe dipendhet) in su períudu ipotéticu de sa possibbilidadi (si proiat za faghiat bene!; si faghiat, como, fimus andhados!) e fintzes de s'impossibbilidade (si fusta filla mia t'emu pistau is murrus!; chi tenia su dinai chi teneis bosatrus, totu su mundu tenia girau!)
Sinonimi e contrari
mancante
| ctr.
pelfetu
Traduzioni
Francese
imparfait
Inglese
imperfect (tense)
Spagnolo
imperfecto
Italiano
imperfètto
Tedesco
unvollkommen.
mancànte , agt: mancanti Definizione
nau de cosa, chi no dhu'est totu, chi no est su tanti giustu (e fintzes chi no est fata bene, chi tenet pecu, neghe); nau de gente, chi no est tanti giusta de conca, chi est fora de tinu (si narat fintzes de chie orruet chentza atuamentos candho dhi benit atacu de malegaducu), chi no si cumportat bene; nau de una línia serrada, chi est tundha ma no parívile, no totue chepare (o a distàntzia diferente de su centru)
Sinonimi e contrari
faltu,
iscassu
/
macu
| ctr.
bundhante,
bundhansciosu
Frasi
cantu sunt torraos acatant custa robba mancante: tandho ghirant e dant sa denúntzia ◊ isse est mancante de talentu tantu chi dat provas de veru tontu ◊ cussu est ómine mancante de sentidu ◊ cuss'ómini est mancanti de unu bratzu ◊ coment'e limpiadura est unu paghedhu mancanti
2.
mancantedhu est, custu piciochedhu: arrebbugiu chi no fait! ◊ ant fuidu che pópulu mancante (P.Cau)◊ su babbu istaiat che mancante mirendhe si podiat bídere su fizu torrendhe ◊ orabrora so istadu mudu pario unu mancante, comente sa pudhedra mi ndhe at betadu ◊ sas àteras fint tontas o mancantes e ant trascuradu totu ◊ cussos sunt ventureris mancantes e ingurdos
Traduzioni
Francese
manquant,
imparfait,
hors de raison,
elliptique
Inglese
lacking,
out of one's mind
Spagnolo
que falta,
carente,
chiflado,
elíptico
Italiano
mancante,
carènte,
imperfètto,
fuòr di sénno,
ellìttico
Tedesco
mangelnd (di = an+ Dat.),
fehlend,
verrückt.