Ditzionàriu in línia
de sa limba e de sa cultura sarda

frochèdha , nf Definizione chirrione, frocos de lana, is chi no abbarrant impare cun sa parte manna de una lana túndhia; nie a frocos (e fintzes pallasina abbruxada chi bolat, frochedha de chinisu) Sinonimi e contrari fioca Frasi chin frochedhas tesso trama (M.Dore) Traduzioni Francese flocon Inglese wool remnant Spagnolo vedija, lana suelta Italiano pezzame di lana Tedesco Krempelwolle.

iscàza , nf Definizione scherda, liesca, arrogalla de pedra, pedrighedha prus matuca de sa giarra, ma prus pitica de sa pedra bona a fàere muru, sa chi abbarrat in sa cava, a meda, bona solu a prènnere buidos Sinonimi e contrari ischerda / arrogu, bículu, matzagani Frasi a manu a manu chi artziamus sa traessa, collide iscaza e betade a reprenare! 2. ómines cantos sunt, un'iscaza de machine l'at ognunu ◊ iscazas de ammentu pigant a fiore in s'ispuma de su tempus ◊ mi est tocada in sorte un'iscaza de tempus Etimo itl. scaglia Traduzioni Francese fragment de pierre Inglese fragment Spagnolo china, lasca Italiano framménto, pezzame di piètre Tedesco Bruchstück, Steinhaufen.

petzulàmine , nm Definizione cosa segada, orrugos, fintzes cosa de pagu contu Sinonimi e contrari arrogalla, biculaza, cantzichedhaza, petzaria Traduzioni Francese morceaux Inglese remnants Spagnolo pedazos Italiano pezzame Tedesco Fetzen.