Ditzionàriu in línia
de sa limba e de sa cultura sarda

conchèdha 3 , nf Definizione sa punta de sa natura de s'ómine: dhi narant conchedhu puru / iscocolletare sa conchedha = innudare, iscugudhai sa conchedha tirendhe issegus s'iscrafudhu (pedhe) Sinonimi e contrari cocollete, iscrafudhu, papu 1 Terminologia scientifica crn, ssl Etimo srd. Traduzioni Francese glande génitale Inglese glans Spagnolo glande, bálano Italiano glande Tedesco Eichel.

iscrafúdhu , nm Definizione de sa natura de s'ómine, su pigighedhu de pedhe chi ammontat sa conchedha o fintzes cust'úrtima (tirare issegus s'i. = iscocolletare sa conchedha) Sinonimi e contrari conchedha 3, papu 2 Terminologia scientifica crn, ssl Traduzioni Francese prépuce, glande Inglese prepuce, glans Spagnolo prepucio, glande Italiano prepùzio, glande Tedesco Vorhaut, Eichel.

làndha , nf, nm: landhe, landi, làndiri 1, lanne Definizione su frutu chi faent crecos, ílighes (landhe d'élighe) e suèrgios (l. suerina): su pitzu o cugudhu coment'e crobedha a ue est atacau su landhe est su cocotzu o cogòcia o fintzes raga, corbinzola Sinonimi e contrari grandhe 1 Modi di dire csn: andhare a l. = andai a bodhiri làndiri; cotu a perra de làndiri (nau de is loris) = cotu a perras, chi no at cotu bene ca est de mala cotura; ghetàresi che porcu in su l. = a s'airada, cun ganas manna, comenti a cosa chi praxit meda; zenia de frastimu: corpu de landhe… e s'àrbure ifatu!; làndiri de mari = su frutu de sa pallamarini, bòcia de ispiàgia, fintzas una zenia de frutighedhu chi faghet un'àliga de mare (sa "Posidonia oceanica") Frasi dhue teniat landhe de orròali meda, dhue fut su landhe a bodhie a giuntas! ◊ su procu iscrichiobàt làndiri a cantu podiat ◊ sos tazos teniant sa landhe a trazadura ◊ sos procos che sunt in su lanne ◊ si est agatau mortu de fàmini, istracibau e papendi làndiri Cognomi e Proverbi smb: Lande, Landi, Landis / prb: làndiri a fàmini castàngia parit ◊ su landhe ruet a sa parta Etimo ltn. glandine(m) Traduzioni Francese gland Inglese acorn Spagnolo bellota Italiano ghianda Tedesco Eichel.

pàpu 1 , nm Definizione sa punta o conchedha de sa natura de s'ómine / iscugudhai su p. = iscocolletare, tirare issegus su pedhutu (iscrafudhu) chi lu muntenet cuguzadu Sinonimi e contrari conchedha 3 Terminologia scientifica crn, ssl Traduzioni Francese glande Inglese glans Spagnolo glande Italiano glande Tedesco Glans, Eichel.

resmíglia , nf Definizione sa punta, sa fae o conchedha de sa natura de s'ómine Terminologia scientifica crn Etimo spn. rezmilla Traduzioni Francese glande génitale Inglese glans Spagnolo glande, bálano Italiano ghianda del pène Tedesco Eichel, Glans.