Ditzionàriu in línia
de sa limba e de sa cultura sarda

intràgna , nf: intragnas, intràngias, intrànias, intranna, intrànnia Definizione sa carena, pentzada mescamente coment'e parte de aintru e prus che àteru de sa fémina (po su prus si narat su pl.): podet significare fintzes sentidu / ómine, fémina de malas intragnas = matzibbrutu, chi pentzat a fai mali Sinonimi e contrari bentre, carena, fríschias Frasi leges chi no bochint su delincuente bochint in sas intragnas s'innotzente, cun s'istruminzu! ◊ Cristos si est ingeneradu de sas intragnas de Maria ◊ in s'íntimu de su coro as penetradu, Rosa chi mi as furadu sas intragnas! 2. sa terra in sas intragnas suas tenet frantas richesas mannas ◊ utos de brunzu essint de petorras licucadas e de intragnas abrinadas 3. diàulu de s'intranna chi ti at fatu, francu Deus e nostra Segnora! Terminologia scientifica crn Etimo spn. Traduzioni Francese sein, entrailles Inglese breast, internal organ Spagnolo entrañas Italiano séno, vìscere Tedesco Brust, Innere.

intranàbbile , agt Definizione de aintru, chi est o abbarrat a parte de aintru (coment'e intragnàbbile etotu ma nau in su sensu solu de posidura) Sinonimi e contrari | ctr. foranu Frasi custos arrèjonos tevent abbarrare intranàbbiles in domo nostra! Traduzioni Francese intérieur Inglese internal Spagnolo interior Italiano intèrno Tedesco innere.