Ditzionàriu in línia
de sa limba e de sa cultura sarda

cadeníglia , nf: careníglia Definizione genia de prendha de portare in su tzugu, apicada calandho in petorras; trebballu fatu a ferritos / fai unu trabballu a puntu de cadeníglia Sinonimi e contrari cadenita, teneghita Terminologia scientifica prd Etimo spn. cadenilla Traduzioni Francese chaînette Inglese small chain Spagnolo cadenita Italiano catenèlla Tedesco Kettchen.

cadeníta, cadenítza , nf Definizione min. de cadena; genia de prendha de portare in su tzugu apicada, calandho in petorras Sinonimi e contrari gionchígliu, teneghita Frasi zughet una cadenita de oro chi li falat in su petus Terminologia scientifica prd Traduzioni Francese chaîne (de cou) Inglese thin chain Spagnolo cadena (de oroplata) Italiano catenina Tedesco Kettchen.

gionchígliu, gionchíllu , nm, nf: giunchígliu 1, giunchílliu, giunchillu, zinchíglia Definizione prendha, genia de cadenita o cadenatzu de oro o de prata a lórigas piticas e unu pagu longas Sinonimi e contrari cadenita Frasi portat unu bellu gionchígliu de òru ◊ giunchígliu e cadenatzu mi at donau sorga mia ◊ is gàncius de su cosseto aggànciant a manu manca e a manu bona calat su giunchillu Terminologia scientifica prd Etimo spn. junquillo Traduzioni Francese chaînette Inglese thin chain Spagnolo cadena Italiano catenina Tedesco Kettchen.

teneghíta , nf Definizione genia de prendha de pònnere in su tzugu, apicada a calare in petorras Sinonimi e contrari cadeníglia, cadenita Terminologia scientifica prd Traduzioni Francese chaînette Inglese fine chain Spagnolo cadena Italiano catenèlla Tedesco Kettchen.