Ditzionàriu in línia
de sa limba e de sa cultura sarda

ciarizàre , vrb: crarizare Definizione castiare de unu tretu artu, de ue si podet bíere craru su logu totu a inghíriu o ccn. cosa chi si est cricandho / crarizaresila = abarrai castiendi bèni Sinonimi e contrari aciarizare, disocrare, isperare 1, palmizare Frasi dae inoghe za faghet, mih, a crarizare, artu comente est! ◊ so crarizendhe a bídere si poto sebertare su bestiàmine meu in cussas costas Etimo srd. Traduzioni Francese scruter loin Inglese to scan far-off Spagnolo escrudriñar Italiano scrutare lontano Tedesco in der Ferne beobachten.

disocràre , vrb Definizione castiare faendho atentzione meda, agiummai coment'e perdendho is ogos de s’isfortzu Sinonimi e contrari ciarizare, isperelare, isperare 1, palmizare Frasi candho mi zuchiat a sos chirichedhos disocrabo chin àteras mentes su muru de sas nues Etimo srd. Traduzioni Francese fouiller du regard Inglese to scan Spagnolo escrutar Italiano scrutare Tedesco gucken, beobachten.

iscodrignàre , vrb: iscudrignare, scuadrignai Definizione fàere una genia de proa, abbaidare, averguare o cricare cosa a fine a fine Sinonimi e contrari asaminai, iscudrigare, iscumpassare, palmizare Frasi est iscudrignendhe su trabagliadore Etimo ctl., spn. escodrinyar Traduzioni Francese scruter, dépouiller le scrutin Inglese to scan, to scrutinize Spagnolo escudriñar Italiano scrutare, scrutinare Tedesco beobachten, zählen.

iscumpassàre , vrb Definizione agiummai coment'e fàere a cumpassu: abbaidare bene a s'atenta Sinonimi e contrari iscodrignare, palmizare Frasi sos pilos canos chi mi apo agatadu mi los apo iscumpassados rie rie Traduzioni Francese dévisager Inglese to look up and down Spagnolo examinar Italiano squadrare, osservare Tedesco mustern, beobachten.

isperàre 1 , vrb: ispereare, isperiare, isperijare Definizione abbaidare cun atentzione si si podet bíere calecuna cosa, bíere a logu atesu, meda, bene, ma nau fintzes in su sensu de connòschere, isperimentare Sinonimi e contrari adhiare, allutzare, apompiai, avistare, ciarizare, disocrare, iscudrignare, isperionare, palmizare Frasi at isperijadu bene e si est abbista chi fit una rúndhine ◊ s'àbbile bolat in altu isperiendhe in totue ◊ s'addoru sou fit su de isperiare a carrela candho bidiat passendhe s'ómine chi istimaiat ◊ dae su montighedhu ispériat totu sa leada ◊ est sétzidu isperiendhe sa zente chi passat 2. a tiu Nigola no ndhe li essesit mancu dae suta: solu dae sos ojitos isperieit un'illampizada! ◊ custa domo ispériat meda 3. mannedhu ischiat su chi naraiat ca aiat isperiadu sa vida e su tempus (A.Marroni) Etimo srd. Traduzioni Francese scruter Inglese to scan Spagnolo escrutar, escudriñar Italiano scrutare Tedesco beobachten.

osselvàre , vrb: osserbare, osservai, osservare Definizione castiare bene, cun atentzione, a manera de bíere totu de una cosa e pruschetotu su chi si cricat; arrespetare unu cumandhamentu, una lei Sinonimi e contrari abbadiai, abberguare, castiai, selvare / arraspetai 2. e tui, chi ses bonu, osserva su cuntratu chi tenis cun Deus e fai che a su samaritanu! Etimo itl. Traduzioni Francese observer Inglese to observe Spagnolo observar Italiano osservare Tedesco beobachten.

palmizàre , vrb: aprammizare, parmitzare, prammizare Definizione castiare bene a dónnia parte, pruschetotu atesu e de logu artu e agiummai coment'e misurandho a prammu a prammu su logu chi si biet; fintzes cunsiderare a fine una cosa o chistione Sinonimi e contrari adhiare, allutzare, annotare, apompiai, avistare, chilcare, ciarizare, crasteare, iscumpassare, isperare 1, setiare Frasi gireit sos ojos coment'e a si chèrrere prammizare sas pessones ◊ est prammizendhe s'aera a bídere ite tempus faghet ◊ no ti fides, columba, ca s'astore est prammizendhe sa roca inue soles abbitare! ◊ si at parmitzatu su cassetone e si est abbitzatu de sos istampos ◊ prammizendhe dae sa sedha prus subra si sebestat su campusantu 2. ti prammizant sa cuscénscia cun su giudísciu de posca: zuighes malésigos, ite ndhe ischint de su proite de anzenas peleas? ◊ crè o no crè, in su pessamentu mi prammizaia totu sas naravellas intesas dai sos mannos (G.Ruju) Etimo srd. Traduzioni Francese scruter, dévisager Inglese to scan, to look up and down (s.o.) Spagnolo escudriñar, otear Italiano scrutare, avvistare, squadrare Tedesco beobachten, mustern.

selvàre , vrb: serbare, servare, sevare Definizione abbaidare, castiare averguandho ccn. cosa, abbaidare bene, cun atentzione, a manera de bíere totu de una cosa e pruschetotu su chi si cricat; arrispetare unu cumandamentu, una lei Sinonimi e contrari abbadiai, aorutai, obretare castiai, osselvare / arraspetai Frasi no mi est bastadu a pigare donzi tantu a unu pitu pro selvare totu ◊ Zuannedhu servat s'ammàniu de cudha lodhinosa e totu ascamadu dat una iscuidada a Lussurzu ◊ nois l'amus serbatu dae allargu ◊ in s'acucadolzu niunu lu podiat bídere e isse podiat sevare totu su campu ◊ ti apo sevadu in s'aficu de un'abboju! 2. serbatilu che cussitzu vonu! Etimo ltn. servare Traduzioni Francese observer, surveiller Inglese to observe, to spy, to watch (over) Spagnolo observar, espiar Italiano osservare, spiare, sorvegliare Tedesco beobachten, spionieren, überwachen.