Legenda Abbreviazioni | Legenda Simboli

insonniscàdu, insonniscàu , agt: issonniscau Definizione chi tenet sonnu, sonni-sonni, chi no est bene ischidau Sinonimi e contrari assonniscau, indormiscau, insonnigau, sonnidu Frasi coment'e insonniscau, currit in su puntu de innui beniat sa boxi ◊ si fiaus drommios puru, istracos, e mesu issonniscaos dhi naraiaus de abbarrare trancuillu Etimo srd. Traduzioni Francese endormi Inglese drowsy Spagnolo adormecido Italiano assonnato Tedesco schläfrig.

sonniciósu, sonnicrósu , agt, nm: sonnigosu, sonnigrosu Definizione chi o chie dormit meda; mescamente chi o chie costumat a s'istentare cun pagu pentzamentu, cun pagu incuru, cun pagu atentzione che unu chi tenet sonnu Sinonimi e contrari dormidore, dormiu, sonnile / cdh. sunnicosu / drommiciosu Frasi sonnigrosu, ancora in letu a sas noe, pesadindhe! 2. s'ànima sarda, sempre in duda e sonnigosa, trunchet sas cadenas! ◊ lassau cherias, sonnicrosu: su chi fit budhendhe in su lapiolu ti nch'est totu brusiau! ◊ po cantu Bidhanoa fessit una bidha sonnigosa, preitzosa, sentza de nisciuna gana de si ponni a su paris cun is àtaras bidhas, Bidhanoa fut in Sardínnia (B.Lobina) Etimo srd. Traduzioni Francese grand dormeur, ensommeillé Inglese sleepy-head, drowsy Spagnolo dormilón, soñoliento Italiano dormiglióne, sonnacchióso, dormiglióso Tedesco Langschläfer, schlaftrunken, schläfrig.

sonnídu , agt: sonnitu, sonniu, sunnitu Definizione chi tenet sonnu; chi costumat a pigare is cosas a pagu incuru, cun discóidu / su batu sonnidu! = si narat de unu pagu ischidau, pagu atentu, pagu coidosu (assimbigiau a su gatu chi che lassat fuire is sórighes e no cassat nudha) Sinonimi e contrari assonniscau, indormiscau, insonniscadu, sonniciosu, sonnisonni / cdh. insunnitu | ctr. ischidadu, schidu Frasi sos ojos mios, a s'abbàscia abbàscia, sonnidos, ant finidu de si sizire ◊ su manzanu si ndhe pesant totu istracas e sonnidas ◊ ohi pudhitu birde brigantinu, pinnicu chitulanu e oriolu pro su primmu sonnidu linnajolu! (G.Fiori) Etimo srd. Traduzioni Francese endormi Inglese sleepy Spagnolo somnoliento, adormilado Italiano assonnato, sonnacchióso Tedesco schläfrig, schlaftrunken.

sonnisónni, sonnissónnis , avb Definizione èssiri intr'e abbillus e dormius, mesu ischidaos e mesu dormios, tra billa e sonnu; chi tenet sonnu, dormindhosi (cun sos ogros belaela) Sinonimi e contrari sonnigasónniga / indormiscau, sonnidu / cdh. insunnulitu Frasi su pitzinnu andhat a iscola ma inibe abbarrat sonnissonnis ◊ mi at rispostu sonnisonni, no ischiat mancu su chi fit nendhe Etimo srd. Traduzioni Francese ensommeillé Inglese drowsy Spagnolo adormilado Italiano insonnolito Tedesco schläfrig.

«« Cerca di nuovo