Ditzionàriu in línia
de sa limba e de sa cultura sarda

allatàe, allatài , vrb: allatare Definizione giare su late, sa tita, giare o pònnere a súere, nau prus che àteru de gente e de animales ma si narat fintzes de mata in su sensu de giare sustentu, giare s'abba chi sa mata suspit cun is arraighinas); nau de funtana, pigare s'abba de aterue (erriu, lagu) Sinonimi e contrari inconai / amedhigare, ammamare, ammammarizare, gamedhigare | ctr. istitai Frasi is trexi fillus dhus iat fatus Assunta, e issa dhus iat allataus e créscius ◊ si sa mama no portat late, si cricat un'àtera mama chi est allatandho ◊ babbu aiat chirriadu un'anzonedhu copiolu ca s'erveghe duos non los podiat allatare ◊ pícache chin tecus custu pipiu e allàtalu! ◊ s’ebba est allatandhe su pudhedru 2. fintzas su sèmini malu, si pagu pagu dh'allatas, est prontu a pigai! Etimo srd. Traduzioni Francese allaiter Inglese to nurse Spagnolo amamantar Italiano allattare Tedesco stillen.

allataméntu , nm Sinonimi e contrari allatadura, allatonzu, allatu Frasi istitau de mammai, m'iant pigau in allatamentu is sorris bagadias Etimo srd. Traduzioni Francese allaitement Inglese nursing Spagnolo lactancia Italiano allattaménto Tedesco Stillen.