Ditzionàriu in línia
de sa limba e de sa cultura sarda

bandhídu , nm: bandhiu, bannidu, bannitu Definition chie si apartat o cuat po no dhu aciapare sa giustítzia; dhu narant fintzes a sa andaciana o pischeri, una genia de bobboi de abba / ponnirisí bandiu = essire a bandhidare, tzacàresi fora Synonyms e antonyms foressidu, ibbanniu, sbandiu / andaciana Sentences a sos bandhios, si no si arrendhent, totu sos dannos chi si fachent li los ghetant a issos ◊ pro bandhidos e ladros sempre atzesas apas pregadorias chi in amore giambent su malu fàghere! ◊ sos pitzinnos zogant a bandhios e carabbineris ◊ fit semper bannitu, semper ventuleri Translations French bandit English bandit Spanish bandido Italian bandito German Bandit, Räuber.

bàndhidu , agt Definition chi est fatu cun isciala, cun importu mannu, de si pàrrere meda, bene Synonyms e antonyms grandhe / lumenosu Sentences ant fatu un'isposonzu bàndhidu ◊ terra istimada, sole bàndhidu de su coro, bois sezis s'ànima mea! (L.Moro Chironi)◊ in sa durche campura de s'infiniu nadro che sole bàndhidu (F.Satta) Etymon srd. Translations French solemnel English solemn, bright Spanish solemne Italian solènne, luminóso German prächtig, leuchtend.