Ditzionàriu in línia
de sa limba e de sa cultura sarda

bídria , nf: bídriga, bírdia, bítrica, brídica, vídriga Definition sa de duas pobidhas de su babbu po is fígios de sa prima pobidha Synonyms e antonyms frídica Sentences mi as tratadu che bídriga mala, ma no mi ofendho (Farina)◊ cussa est una bona mama e una bona bídriga, chi est cosa prus dificurtosa! Scientific Terminology ptl Etymon ltn. vitrica Translations French belle-mère English stepmother Spanish madrastra Italian matrigna German Stiefmutter.

sòcra , nf: sogra, solga, sorga Definition parente de intradura, sa mama de sa pobidha, sa mama de su pobidhu (a/c.: po dha tzerriare o numenare donniunu sa sua, si narat Onnasogra)/ pl. is sorgus = sa sogra e su sogru; limpiai aundi passat sa sorga = a tretos, is chi si bient de prus Synonyms e antonyms troga 1 Sentences ite cumbéniu logras candho fiudu isposas a connada? restat risparmiada assumanc'una de sas duas sogras! ◊ sogra e nura no sempre si la tirant de acordu ◊ ndi apu passau cun sorga mia!…◊ sorga mia at nau caincuna cosa de mimi? ◊ mih ca sorga tua at papau pane de sete forros! ◊ su pobidhu at pigau a bratzete nura e sorga po ballare Scientific Terminology ptl Etymon ltn. socra Translations French belle-mère English mother-in-law Spanish suegra Italian suòcera German Schwiegermutter.