antúnna , nf, nm: antunnu Definition
pan'e corra, genia de erba (upm) chi no portat clorofilla: dhue at calidades, de is chi faent mannas, bonas a papare, àteras toscosas fintzes de fàere mòrrere; faet po su prus unu cambu grussu e curtzu (tanaxi) cun sa conca (o capedhu) cucurúcia a bisura de paracu apertu o de campana, a prupa grussa, lisa in pitzu, coment'e a tiras fines asuta, e in tempus de abba creschet prus che àteru in sa linna morta: dhue at calidades chi dhas coltivant
Synonyms e antonyms
bulí,
cantunna,
cardolinu,
corrorinu,
cucumedhu,
feurratzu,
tontonniu,
tugnu,
túvara 1
Sentences
ocannu s'antunna che fit a irvarriadura, inoghe ◊ che fimus in antunna ma no ndh'amus àpidu
Scientific Terminology
rba, rbzc
Translations
French
champignon
English
mushroom
Spanish
hongo,
seta
Italian
fungo
German
Pilz.
cardolínu , nm: cardulinu,
codrobinu,
codrolinu,
codrulinu,
cordulinu Definition
genia de erba (upm) chi no portat clorofilla, dhue ndhe at calidades bonas a papare e àteras velenosas / in su codrolinu si podet distínghere: sa conca (agiummai sèmpere cucurúcia a bisura de paracu, lisa in pitzu, a tiras fines de atza asuta chi andhant de mesu a s'oru), su tenaghe; calidades de codrolinu: cardulinu de murdegu = zenia de antunnighedha groga suta, minuda, bona, chi faghet in sos mudregarzos (Leccinum corsicum), cardulinu de ílixi (bonu, faghet in fundhales de élighe (Leccinum lepidum), cardulinu de bulletu, de túvara (itl. prataiòlo, Agaricus campestris)= toba, zenia de antunna chi a s'ala de fundhu zughet tizighedhas in colore de rosa, cardulinu de petza o ’eru = antunnaera, tugnu biancu (Pleurotus eryngii), cardulinu de mari = cagalloni istrantaxu, minchemoru, sedhitzi, cardulinu de opinu = zenia de antunna chi faghet suta de sos opinos (Boletus granulatus), cardulinu de padenti o cardulinu grogu = zenia de antunna groga a s'ala de fundhu, in colore de castanza subra, faghet manna (a diferéssia de cussa de mudregu chi li assemizat), est bona (itl. porcino, Boletus edulis, aereus, reticulatus), cardulinu de mata = diferentes zenias de antunna, ma mescamente una calidade bona, minudedha, chi faghet a bàlliu e creschet in sos fundhales prudigados in montes (itl. chiodini, Armillariella mellea)
Synonyms e antonyms
antunna,
bulí,
corrorinu,
cucumedhu,
tontonniu,
tugnu,
túvara 1
Sentences
su logu aundi fait cardolinu Antiogu dhu tenit signalau ◊ cras andaus a su codrobinu
Scientific Terminology
rba, rbzc
Etymon
srd.
Translations
French
champignon
English
mushroom
Spanish
seta (f),
hongo
Italian
fungo
German
Pilz.
cucumédhu , nm: cugumedhu,
cugummedhu Definition
genia de erba chi no portat clorofilla, a calidades bonas po papare ma àteras toscosas: cun custu númene si narat css. genia de codrolinu, ma mescamente sa tuvaredha (itl. prataiòlo) o toba, pruschetotu candho est ancora serrada, essia de pagu; cucumedhu est fintzes cúcuru o punta de monte, sedha / cugumedhu padezonadu = itl. òvolo; cucumedhu de conca = concajoni, cuchedha, cucale, genia de petonadura de fémina
Synonyms e antonyms
antunna,
cardolinu,
corrorinu,
cucarumedhu,
tontonniu,
tugnu,
túvara 1
/
toa 1
Sentences
naschent che cugumedhu onzi mamentu: in d-unu sinnu est pienu su sacu ◊ fit collindhe cugumedhu a su coinzolu
2.
si petonat cun sa riga in mesu, is pretas e su cucumedhu
Scientific Terminology
rbz
Translations
French
champignon
English
mushroom
Spanish
hongo,
seta (f)
Italian
fungo
German
Pilz.
tontonníu , nm, nf: tuntunna,
tuntunnina,
tuntunniu,
tuntunnu Definition
pane de corra, genia de erba chi no portat clorofilla: dhue at calidades, de is chi faent mannas, chi funt bonas a papare, àteras funt toscosas fintzes de fàere mòrrere; faet po su prus unu cambu grussu e curtzu (tanaxi) cun sa conca cucurúcia a bisura de paracu apertu o de campana, a prupa grussa, lisa in pitzu, coment'e a lamas fines asuta, e in tempus de abbas faet prus che àteru in sa linna morta: segundhu sa calidade dha sèmenant po ndhe fàere a bèndhere
Synonyms e antonyms
antunna*,
bulí,
cardolinu,
corrorinu,
cucumedhu,
tugnu,
tunnunnu,
túvara 1
Sentences
at atzapatu un'istérrita de feruledha casari e una mola de tuntunnu fríghidu ◊ cussos duos frates sont mortos ca aiant mannicatu tuntunnina
Scientific Terminology
rba, rbzc
Translations
French
champignon
English
mushroom
Spanish
hongo,
seta
Italian
fungo
German
Pilz.
túgnu , nm, nf: tunna,
tunnio,
tunniu,
túnniu Definition
genia de erba chi no portat clorofilla, dhue ndh'at calidades bonas a papare e àteras toscosas / in su túnniu si podet distínghere: sa conca (agiummai sèmpere cucurúcia, lisa in pitzu, a tiras asuta), su tenaghe; túnniu de prade = cardulinu de padenti o cardulinu grogu, zenia de antunna groga a s'ala de fundhu, in colore de castanza subra, bona (itl. porcino, Boletus edulis)/ andhare a tunnio, tempus de tunnio = corrorinai, tempus chi essit su codrolinu
Synonyms e antonyms
antunna*,
cardulinu,
corrorinu,
cucumedhu,
tontonniu,
túvara 1
Scientific Terminology
rba, rbzc
Translations
French
champignon
English
mushroom
Spanish
hongo,
seta
Italian
fungo
German
Pilz.