Ditzionàriu in línia
de sa limba e de sa cultura sarda

colimínzu , nm: colominzu, columinzu, culiminzu, culuminzu Definition su puntu prus artu de su barracu, de sa teulada, ischinale de teulada (a logos fintzes sa biga de s'ischinale); sa essia de su fumu de sa forredha, in sa teulada Synonyms e antonyms cucumenale, pinnacúcia, pópula, sima / fomajou Sentences sos columinzos sighiant a rupiare fumu atoscadu 2. fumat dae su columinzu su foghile Scientific Terminology dmo Etymon ltn. *culmineum Translations French cheminée, faîte (de toîture) English chimneypot Spanish chimenea Italian comìgnolo German Schornstein.

fomajóu , nm: fumagiolu, fumajolu, fumaolu, fumazolu, fumiajolu, fumiazolu, fummagiolu, fummajolu Definition cundhutu chi artzat a in artu fatu po che fàere essire su fumu de ue si dhue abbruxat cosa (es. sa forredha o foghile, istufa) Sentences su fumajolu si prenat de fumàdigu ◊ su forru murigadhu, ma no dhi pòngias su fomajou ca podit ispomporai ◊ in su fumazolu no si bidiat filu de fumu essindhe Scientific Terminology dmo Etymon itl. Translations French cheminée English chimneypot Spanish chimenea (f) Italian fumaiòlo, camino German Schornstein.

geminèra , nf: ceminera, giaminera, giminera, giominera, giuminera, zaminera* Definition in sa domo, genia de buidu fraigau po dhue fàere su fogu, prus che àteru in d-unu cugigone de sa coghina / sa giminera giughet coment'e duos antariles (pedelitos), unu fronte, sa capa, su fumajolu; sa giminera de sa pipa = sa parte de sa pipa chi si prenat de trintzadu e si atzendhet Synonyms e antonyms forredha Sentences como no v'est ciús sa giminera po ti cajentare ◊ in sa giaminera furint coendho una sartàina de castàngia ◊ sos meos fint totu riunios a inghíriu de sa giominera Scientific Terminology dmo Translations French cheminée English fireplace Spanish chimenea Italian caminétto German Kamin.

tzidhíle , nm Definition su tretu de sa domo asuta de sa giminera, ue si faet su fogu Synonyms e antonyms fochile, forredha, tzidha Sentences su manzanu si abbivat sa fiama in su tzidhile Scientific Terminology dmo Etymon srd. Translations French cheminée English fireside Spanish hogar Italian focolare German Feuerstelle.

zaminèra, zamminèra , nf: ceminera, geminera, ziminea, ziminera, tzeminea, zuminera Definition in sa domo, cumbénia fata adata po dhue fàere su fogu asuta, prus che àteru in d-unu cugigone de sa coghina / sa geminera portat coment'e duos antariles, unu fronte, sa capa o cugudhu, su fumajolu Synonyms e antonyms forredha Sentences seus càrigas a sa ziminera e fogu no ndi at! ◊ fit una ziminera manna pariat unu monumentu ◊ sa ziminera tirat bene, torrat fumu, iscudet calore Scientific Terminology dmo Etymon itl. ciminera Translations French cheminée English fireplace Spanish chimenea Italian caminétto German Feuerstätte.