Ditzionàriu in línia
de sa limba e de sa cultura sarda

arratòri , nm: arretore, arretori, retore* Definition babbai retore, su preide chi contivígiat is cristianos chi faent fúrriu a una crésia, a una parróchia Synonyms e antonyms vicàriu Sentences s'arretori iat fatu una bella prédica in mesu sa missa ◊ bosi dhu potzo nàrrere ca seis arretores cojaos ◊ custu pecau non ti dhu perdonat s'arretore Scientific Terminology prf Translations French curé English parson Spanish cura, párroco Italian pàrroco German Pfarrer.

meighinadúra , nf: ammexinadura* Definition su meighinare, su fàere o pònnere meighina a calecunu male o maladia, o a calecuna cosa fintzes po no pigare maladia Synonyms e antonyms meiconzu, medicadura, medicamentu, meighinada Sentences sa meighinadura chi li amus fatu, a sa binza, no l'at lassada irmalaidare Translations French traitement, cure English cure Spanish cura, tratamiento Italian cura, trattaménto German Behandlung, Kur.

prebbànu , nm: probanu Definition su preide arretore de una bidha Synonyms e antonyms arratori, frebbanu, vicàriu Sentences sos contos de custu probanu de sos Lodeinos fint sos matessi de Mussingallone Etymon itl. Translations French curé English parish priest Spanish cura, párroco Italian pievano German Pfarrer.

retòre, retòri , nm: arratori, letore Definition preide chi contivígiat, atendhet o guvernat sa crésia locale, is cristianos chi faent fúrriu a una parróchia; professore cun incàrrigu de amministrare una universidade Synonyms e antonyms vicàriu / ttrs. ritori Sentences si agato su retore in sagristia fato sa cunfessione ◊ su retore cun àteros preíderos ant aggantzadu su libbru po fàghere fuire su diàulu ◊ iscultant sa préiga de babbai retore Scientific Terminology prdc Etymon ctl., spn. rector Translations French curé English parson, rector Spanish cura, párroco, tb rector, rector Italian pàrroco German Pfarrer.