Ditzionàriu in línia
de sa limba e de sa cultura sarda

manósu , agt Definition prus che àteru nau de ccn., chi est a sa manu, chi si lassat dominare in su sensu chi adduit, chi lassat cúrrere; si narat fintzes in su sensu de àbbile, capassu, de manos bonas faendho faina / m. a… = chi adduit, chi est dispostu o sugetu a calecuna cosa; m. a… (parte de sa carena) = chi sufrit a…, sugetu meda a sufrire de… Synonyms e antonyms maníbbili, masedu 2. dèu seu manosu a crei totu su chi mi nant (G.Pili) 3. su pipiu est manosu a s'arresfriu ◊ custu est manosu a arrúiri Etymon srd. Translations French affable, enclin English incline, reasonable Spanish comprensivo, tolerante Italian trattàbile, proclive, incline German umgänglich, konziliant.

sangiósu , agt, nm Definition nau de feria o de pistadura, de parte malàida, chi est totu sàngia, chi est in sàngia; nau de unu, chi si dha pigat, si arrennegat meda, chi crepat de su tzacu e de s’arrennegu, chi tenet ódiu de su bene de s’àteru; a logos dhu narant fintzes de unu chi timet su catigati, físchidu a su tzilighitu Synonyms e antonyms postemosu / afelonadu, nervosu / belosu, fengiosu, sangedhu 2. seis bichendu dogna cosa che guntruxus malus a satzai e sangiosus ◊ portat cara sangiosa e pintada de feli, de s'arrennegu ◊ su sangiosu campat de mancu ◊ su sangiosu iat a bolli s'allenu puru ca est sempri disigendi cosa istràngia ◊ cussu at isceberau un'àtera po isposa, ma no ndi seu sangiosa, no! Scientific Terminology ntl Etymon srd. Translations French purulent, enclin au mépris English purulent, vexed Spanish sanioso, purulento, cascarrabias Italian sanióso, purulènto, corruccióso German eiterig, ärgerlich.