abbrubudhài , vrb: brubudhai Definition istidhigare a fora, nau de abba o cosas deasi budhindho; essire a fora, nau de s'abe noa; nau de gente, foedhare in contràriu cun arrennegu Synonyms e antonyms frofoai, ischigliare, ischiglionare, isprupudhai, sbrufare, sbrufulai Sentences lah, lah ca si ndi abbrubudhat sa pingiada! ◊ su cafei si ndi est abbrubudhau ◊ si ndi abbrubudhat su sànguini de cantu est sa tírria!◊ it'ómini travessu, si ndi abbrubudhat che lati in su casidhu! Etymon srd. Translations French gicler English to spurt Spanish abantar, rebosar Italian schizzare German überlaufen.

ischigliàre , vrb Definition lampare o fèrrere atesu sa cosa a istídhigos; fintzes imbruconare Synonyms e antonyms abbrubudhai, frofroai, ischiglionare, ischisciare 1, sbrufare, sbrufulai, strichidhai Sentences s'ozu che ischígliat fora dae sa sartàina candho tzocat ◊ faghent, a s'intra-essi, chena donu, versos topos de tréighi e de noe untos, pro ischigliare, a ozuseu (Piras) 2. si fichit su batzinu a codhu, calat impresse in s'iscala, a candho ischígliat, ruet e segat su batzinu! Etymon srd. Translations French gicler dehors, bondir dehors English to dart out Spanish salir, chorrear, abantar Italian schizzare fuòri German springen.

sbrufulài , vrb Definition est su chi faet s'abba budhindho a meda, chi ndhe brínchidat a fora de sa padedha; iscoviare, nàrrere in giru cosas chi no si depent Synonyms e antonyms abbrubudhai, bessai, frofoai, ischigliare, ischiglionare, sbrufare, strichidhai / lendhare, scordulai, scoviai 2. issu sbrúfulat cantu intendit Etymon srd. Translations French gicler English to spatter (be) Spanish salirse un líquido al hervir Italian schizzare German bespritzen.

strichidhài , vrb: istrinchidhare*, stridhicai, stridhincai, strinchidhai Definition brillare, iscúdere, fèrrere atesu sa cosa a istídhigos o modhe modhe, isciúndhere cun istídhigos de cosa chi brínchidat (es. fintzes comente faet s'ispumante o àtera cosa gasada) Synonyms e antonyms abbrubudhai, botiare, frofroai, ischirtzare, santziare, sbrufulai, tzampulicare Sentences strichidha àcua santa, debressi! ◊ no bollu a mi strichidhai cuss'àcua! ◊ dh'at totu stridhicau de carcina ◊ po fai sa frégua si stridhicat àcua frida apitzus de sa símbua ◊ cun totu cussu ludu dha strichidhant 2. dha biu essendi de mari strichidhada e currendi a s'istrumpai in s'arena Translations French gicler, éclabousser English to splash Spanish salpicar Italian schizzare, inzaccherare German bespritzen, beschmutzen.

«« Search again