Ditzionàriu in línia
de sa limba e de sa cultura sarda

arratzèta , nf: arresseta, arretzeta, retzeta* Definition is meighinas chi órdinat su dutore e su paperi ue dh'iscriet; fintzes sa lista de totu su chi e comente dhue bolet po fàere unu papare Sentences is datoris mancu ti lassant aberri buca, t'iscrínt s'arratzeta e toca! ◊ dhi fàciu s'arresseta po si pigai is píndulas Translations French recette English prescription, recipe Spanish receta Italian ricètta German Rezept.

búsca , nf Definition su cricare, mescamente in giru, pedindho a s'unu e a s'àteru; sa cosa buscada Synonyms e antonyms cherta 1, derrama / intrada Idioms csn: andhare in b., a sa b. = essire in chirca; èssere in b. = èssiri circhendi; tirare in buscas = tirare a billetes o àteru de gai, pro chirriare sa parte, sa chi tocat tocat chentza partzialidades Sentences si est dadu a sa busca ◊ so in busca de unu mere ca chèglio tzeracare 2. andhao che cane craparesu nusca nusca in bidea de fàghere cussa busca ◊ cun totu sas buscas chi at, sa Comune nostra tenet dinari meda ◊ is burricus funt sentz'e busca, disigendi palla Etymon spn. busca Translations French quête, recherche, recette English begging, procurement, receipts Spanish colecta Italian quèstua, procacciaménto, intròito German Betteln, Besorgung, Einnahme.