Ditzionàriu in línia
de sa limba e de sa cultura sarda

allentorídu , pps, agt Definition de allentorire; chi est isciustu de su lentore Synonyms e antonyms allentoratu, saghinadu, saghinosu 2. s'erva oe est tota allentorida ◊ sa terra est allentorida dae sa note Translations French humide de rosée English dewy Spanish rociado Italian rugiadóso German tauig.

allentoríre , vrb: lentorire* Definition isciúndhere de lentore Synonyms e antonyms allentorai, insaurrare, issaghinare Translations French faire devenir humide de rosée English to wet with dew Spanish rociar Italian bagnare di rugiada German mit Tau befeuchten.

assaghinàre , vrb Definition isciúndhere su logu, sa cosa, de saghina, de orrosu Synonyms e antonyms issaghinare, saurrare Etymon srd. Translations French faire devenir humide de rosée English to wet with dew Spanish rociar Italian bagnare di rugiada German mit Tau benetzen.

insaurràre , vrb: issaurrare Definition isciúndhere de saurra (orrosu), pònnere saurra, isciúndhere cun sa saurra Synonyms e antonyms allentorire, issaghinare Sentences custu manzanu chito mi so totu issaurradu colendhe in mesu s'erba Translations French mouiller de rosée English growing of dew Spanish rociar Italian formarsi della guazza, bagnare di guazza German Taubildung.

issaghinàu , pps, agt Definition de issaghinare; nau de su logu in campu, chi est totu isciustu de saghina, de serenu Synonyms e antonyms saurradu 2. est fughiu in cherta de dare aficu a sas pupias issaghinadas de arcana tristia Translations French humide de rosée English dewy Spanish rociado Italian rugiadóso German tauig.

lentoràre , vrb: lentoriare Definition betare o calare lentore, fintzes fàere abbighedha fine che lentore Synonyms e antonyms lentorire, orrosiai, saghinare, serenai 1 Sentences lentorat in sas notes de istiu ◊ chelos, lentoriade!◊ su sede lentoriadu est lentu Etymon srd. Translations French deposer de la rosée English to fall dew Spanish rociar Italian cadér rugiada German tauen.

lentòre, lentòri , nm Definition genia de abbita finevine de no si pòdere bíere, mancu, chi in notes craras calat de is aeras e isciundhet o úmidat su logu / l. màsciu = bedhia, chidhighia Synonyms e antonyms saghina, sanenu / cdh. lintori, sainàglia Sentences pàghida e serena che lentore chi ruet in note crara de s'aera, una rusina tépia e lezera bagnat sa terra (G.Deriu)◊ apenas chi che leat su lentore atacamus a binnennare ◊ sa campagna est bisèndhesi in beranu e paret sa modhina unu lentore ◊ semus chei su lentore: a sa prima iscampiada de su sole iscumparimus Etymon ltn. lentore(m) Translations French rosée English dew Spanish rocío Italian rugiada German Tau.

saghína , nf: saina 3 Definition genia de abbighedha finevine de no si pòdere bíere, mancu, chi in notes craras calat de is aeras e isciundhet o úmidat su logu / saghinas de prantu = làgrimas Synonyms e antonyms lentore, sanenu Sentences sas fardetas comintzabant a si acudulare dae sa saghina de sas matas allentorias ◊ su locu est friscu, prenu de saghina ◊ in mesu de sa saghina v'at bacacorros Scientific Terminology tpm Translations French rosée English dew Spanish rocío Italian rugiada German Tau.

saghinàdu , pps, agt Definition de saghinare; nau de logu, chi est isciustu de saina, de lentore; nau de animale o de carre, chi est grassu Synonyms e antonyms allentoridu / rassu, saginosu Translations French humide de rosée English dewy Spanish rociado Italian cosparso di rugiada German tauig.

saghinósu , agt Definition nau de su logu o de sa cosa fora, chi est totu saina, isciustu de lentore Synonyms e antonyms allentoridu, saghinadu Etymon srd. Translations French humide de rosée English dewy Spanish rociado, húmedo de rocío Italian rugiadóso German tauig.

sanénu , nm, nf: selena, selenu, serenu Definition s'umidore de su note candho no est currendho bentighedhu / dormire a serenu = foras, su note Synonyms e antonyms lentore, saghina / cdh., ttrs. sirenu Sentences est calendu su serenu notesta ◊ in custa carrela mi arreo, bénnitu pro t'imbisitare: custu selenu chi leo candho mi l'as a pacare? ◊ fintzes cun sa selena imbucaiant a triballare a primu manzanu Surnames and Proverbs smb: Selenu, Serenu Scientific Terminology tpm Etymon ltn. serenum Translations French rosée English dew Spanish rocío Italian rugiada German Tau.

saúrra , nf Definition selentu mascinu, isciustura de su serenu de su note chi si podet fàere a istídhigos mannos, a meda, in s'erba, in sa sida Synonyms e antonyms arrosada, arrosu Sentences custu manzanu bi aiat saurra e colendhe in mesu de sas matas mi so fatu tirchiatírchia Surnames and Proverbs smb: Saurra Scientific Terminology tpm Etymon srdn. Translations French rosée English dew Spanish rocío Italian guazza German reichlicher Tau.

saurràdu , pps, agt Definition de saurrare; chi est totu isciustu de orrosu, nau de su logu, de s'erba Synonyms e antonyms issaghinau Translations French humide ou mouillé de rosée English dewy Spanish rociado Italian guazzóso German sehr tauig.