Ditzionàriu in línia
de sa limba e de sa cultura sarda

allentoríre , vrb: lentorire* Definition isciúndhere de lentore Synonyms e antonyms allentorai, insaurrare, issaghinare Translations French faire devenir humide de rosée English to wet with dew Spanish rociar Italian bagnare di rugiada German mit Tau befeuchten.

assaghinàre , vrb Definition isciúndhere su logu, sa cosa, de saghina, de orrosu Synonyms e antonyms issaghinare, saurrare Etymon srd. Translations French faire devenir humide de rosée English to wet with dew Spanish rociar Italian bagnare di rugiada German mit Tau benetzen.

címa 1 , nf Definition genia de fune grussa chi impreant in is naves; fintzes singiale de ispertiada forte chi abbarrat in sa pedhe Synonyms e antonyms cànnabu, gúmena, libbanu / ischingiada, sinniera Sentences candu tirat bentu molla cima e ferru! 2. candu su piciochedhu fadiat a mau sa mama dhi donàt una carda de pértia e dhi lassàt is còscias totu a cimas a cimas! (M.Vacca) Etymon itl. cima Translations French amarre English rope Spanish amarra Italian gómena German Tau.

lentòre, lentòri , nm Definition genia de abbita finevine de no si pòdere bíere, mancu, chi in notes craras calat de is aeras e isciundhet o úmidat su logu / l. màsciu = bedhia, chidhighia Synonyms e antonyms saghina, sanenu / cdh. lintori, sainàglia Sentences pàghida e serena che lentore chi ruet in note crara de s'aera, una rusina tépia e lezera bagnat sa terra (G.Deriu)◊ apenas chi che leat su lentore atacamus a binnennare ◊ sa campagna est bisèndhesi in beranu e paret sa modhina unu lentore ◊ semus chei su lentore: a sa prima iscampiada de su sole iscumparimus Etymon ltn. lentore(m) Translations French rosée English dew Spanish rocío Italian rugiada German Tau.

libbànu , nm: limbanu Definition fune grussa meda, mescamente sa chi ponent po assegurare bastimentos e naves in is portos (unu libbanu, po is piscadores = 30 passas de fune de arretza, unos 45 metros) Synonyms e antonyms cànnau Etymon itl. libano Translations French amarre English rope Spanish calabrote, gúmena Italian gómena German Trosse, Tau.

saghína , nf: saina 3 Definition genia de abbighedha finevine de no si pòdere bíere, mancu, chi in notes craras calat de is aeras e isciundhet o úmidat su logu / saghinas de prantu = làgrimas Synonyms e antonyms lentore, sanenu Sentences sas fardetas comintzabant a si acudulare dae sa saghina de sas matas allentorias ◊ su locu est friscu, prenu de saghina ◊ in mesu de sa saghina v'at bacacorros Scientific Terminology tpm Translations French rosée English dew Spanish rocío Italian rugiada German Tau.

sanénu , nm, nf: selena, selenu, serenu Definition s'umidore de su note candho no est currendho bentighedhu / dormire a serenu = foras, su note Synonyms e antonyms lentore, saghina / cdh., ttrs. sirenu Sentences est calendu su serenu notesta ◊ in custa carrela mi arreo, bénnitu pro t'imbisitare: custu selenu chi leo candho mi l'as a pacare? ◊ fintzes cun sa selena imbucaiant a triballare a primu manzanu Surnames and Proverbs smb: Selenu, Serenu Scientific Terminology tpm Etymon ltn. serenum Translations French rosée English dew Spanish rocío Italian rugiada German Tau.

saúrra , nf Definition selentu mascinu, isciustura de su serenu de su note chi si podet fàere a istídhigos mannos, a meda, in s'erba, in sa sida Synonyms e antonyms arrosada, arrosu Sentences custu manzanu bi aiat saurra e colendhe in mesu de sas matas mi so fatu tirchiatírchia Surnames and Proverbs smb: Saurra Scientific Terminology tpm Etymon srdn. Translations French rosée English dew Spanish rocío Italian guazza German reichlicher Tau.