Ditzionàriu in línia
de sa limba e de sa cultura sarda

allentoríre , vrb: lentorire* Definizione isciúndhere de lentore Sinonimi e contrari allentorai, insaurrare, issaghinare Traduzioni Francese faire devenir humide de rosée Inglese to wet with dew Spagnolo rociar Italiano bagnare di rugiada Tedesco mit Tau befeuchten.

assaghinàre , vrb Definizione isciúndhere su logu, sa cosa, de saghina, de orrosu Sinonimi e contrari issaghinare, saurrare Etimo srd. Traduzioni Francese faire devenir humide de rosée Inglese to wet with dew Spagnolo rociar Italiano bagnare di rugiada Tedesco mit Tau benetzen.

címa 1 , nf Definizione genia de fune grussa chi impreant in is naves; fintzes singiale de ispertiada forte chi abbarrat in sa pedhe Sinonimi e contrari cànnabu, gúmena, libbanu / ischingiada, sinniera Frasi candu tirat bentu molla cima e ferru! 2. candu su piciochedhu fadiat a mau sa mama dhi donàt una carda de pértia e dhi lassàt is còscias totu a cimas a cimas! (M.Vacca) Etimo itl. cima Traduzioni Francese amarre Inglese rope Spagnolo amarra Italiano gómena Tedesco Tau.

lentòre, lentòri , nm Definizione genia de abbita finevine de no si pòdere bíere, mancu, chi in notes craras calat de is aeras e isciundhet o úmidat su logu / l. màsciu = bedhia, chidhighia Sinonimi e contrari saghina, sanenu / cdh. lintori, sainàglia Frasi pàghida e serena che lentore chi ruet in note crara de s'aera, una rusina tépia e lezera bagnat sa terra (G.Deriu)◊ apenas chi che leat su lentore atacamus a binnennare ◊ sa campagna est bisèndhesi in beranu e paret sa modhina unu lentore ◊ semus chei su lentore: a sa prima iscampiada de su sole iscumparimus Etimo ltn. lentore(m) Traduzioni Francese rosée Inglese dew Spagnolo rocío Italiano rugiada Tedesco Tau.

libbànu , nm: limbanu Definizione fune grussa meda, mescamente sa chi ponent po assegurare bastimentos e naves in is portos (unu libbanu, po is piscadores = 30 passas de fune de arretza, unos 45 metros) Sinonimi e contrari cànnau Etimo itl. libano Traduzioni Francese amarre Inglese rope Spagnolo calabrote, gúmena Italiano gómena Tedesco Trosse, Tau.

saghína , nf: saina 3 Definizione genia de abbighedha finevine de no si pòdere bíere, mancu, chi in notes craras calat de is aeras e isciundhet o úmidat su logu / saghinas de prantu = làgrimas Sinonimi e contrari lentore, sanenu Frasi sas fardetas comintzabant a si acudulare dae sa saghina de sas matas allentorias ◊ su locu est friscu, prenu de saghina ◊ in mesu de sa saghina v'at bacacorros Terminologia scientifica tpm Traduzioni Francese rosée Inglese dew Spagnolo rocío Italiano rugiada Tedesco Tau.

sanénu , nm, nf: selena, selenu, serenu Definizione s'umidore de su note candho no est currendho bentighedhu / dormire a serenu = foras, su note Sinonimi e contrari lentore, saghina / cdh., ttrs. sirenu Frasi est calendu su serenu notesta ◊ in custa carrela mi arreo, bénnitu pro t'imbisitare: custu selenu chi leo candho mi l'as a pacare? ◊ fintzes cun sa selena imbucaiant a triballare a primu manzanu Cognomi e Proverbi smb: Selenu, Serenu Terminologia scientifica tpm Etimo ltn. serenum Traduzioni Francese rosée Inglese dew Spagnolo rocío Italiano rugiada Tedesco Tau.

saúrra , nf Definizione selentu mascinu, isciustura de su serenu de su note chi si podet fàere a istídhigos mannos, a meda, in s'erba, in sa sida Sinonimi e contrari arrosada, arrosu Frasi custu manzanu bi aiat saurra e colendhe in mesu de sas matas mi so fatu tirchiatírchia Cognomi e Proverbi smb: Saurra Terminologia scientifica tpm Etimo srdn. Traduzioni Francese rosée Inglese dew Spagnolo rocío Italiano guazza Tedesco reichlicher Tau.