ogualidàde , nf: agualidadi Definition su èssere oguales, a paris, in totu o in calecunu piessignu osservau in cosas o personas diferentes Synonyms e antonyms paridade | ctr. difarénsia Translations French égalité English parity Spanish igualdad Italian uguaglianza German Gleichheit.

paridàde, paridàdi , nf Definition su èssere a paris, nau pruschetotu de diritos, de una cunditzione giurídica Synonyms e antonyms agualidadi, pàrina Translations French égalité English equality Spanish igualdad Italian parità German Gleichheit, Gleichberechtigung.

pàrina , nf Definition logu o terrenu in paris, parighinu, aparigiau; su èssere a paris / èssere totu a una p. = èssiri totus agualis, a paris, cun matessi diritus e doveris Synonyms e antonyms paridade, paris Etymon srd. Translations French plane, égalité English parity Spanish igualdad Italian parità, uguaglianza German Gleichheit, Gleichberechtigung.

pàta 1 , nf Definition su matessi tanti de un'àteru, s'arresurtau oguale a su de s'àteru Synonyms e antonyms cdh. impata Idioms csn: fàghere p., èssere a p. = èssere patos, àere su matessi tantu (de puntos, de cosa addesumada, e gai); cadhos de pata = cuadhus chi lompint impari, currendi; andai, o fai cosa, pat'apari = paris, totu paris; sos puzones de pata = de sa matessi cria, chi si che bolant paris; pat'apari = fàcia apari Sentences amus fatu pata zoghendhe a cartas ◊ sos cadhos a paríglia in serras ponent pata de óbbligu ◊ dae nidu est boladu cun alas de astore lassendhe in d-una in d-una sos puzones de pata in bidatone (A.Dettori)◊ cherimus su riconnoschimentu de su sardu paris e pata cun s'italianu ◊ candho tancamus contos semus a pata 2. duus amigus fiant andaus pata apari a is domus bècias po biri chi dhoi essiant cosas mauas ◊ cudhus duus s’ant contau pata apari su bisu chi ant fatu Translations French égalité English draw Spanish pata, empate Italian patta German Unentschieden.

«« Search again