Ditzionàriu in línia
de sa limba e de sa cultura sarda

apòlta , nf Definition cosa chi si giaet o chi si benit a ischire Synonyms e antonyms imposta, isceda, segurtade Sentences aspetei a torrare tia Pietrina cun apoltas bonas ◊ su coro mi dat s'apolta chi mai tenzo fortuna ◊ est giughindhe a totu s'apolta chi bos sezis cojuados ◊ segundhu sas apoltas, cussos fint acusados de àere ispintu sa zente a si repellare Translations French information English warning, advice Spanish aviso, información Italian avviso, informazióne German Meldung.

consígiu , nm: consillu, consixu, consizu, cossígiu, cossitzu, cossizu, cuncillu, cunsígiu, cunsillu, cunsixu, cunsizu, cuntzillu, cussizu Definition cosa chi si narat a un'àteru po chi iscat méngius comente fàere, nàrrere o àteru; organísimu de unu cumone, de un'assótziu e riunione o atóbiu de su matessi po arrexonare e pigare decisiones Synonyms e antonyms abertimentu, addochimentu, ammonestamentu, ammonestu, atisbada, impósitu, imposta, paràbbula 1 / cdh. cunsidhu, ttrs. cunsígliu Sentences so pragerosa de osservare is consígios issoro ◊ fui peri pensandu de andai auba de issu po unu consillu ◊ si Sara dhi donàt unu cuntzillu, Luisicu dh'ascurtàt e si cumportàt segundu su cuntzillu ◊ custos cunsizos no sunt metanzos e los iscultat dognunu ◊ at dimandhau unu consígiu de comente sighire su trabballu 2. cussas sunt cosas chi faghet su cossizu cumonale Etymon ltn. consilium Translations French conseil English advice Spanish consejo Italian consìglio German Ratschlag.

tzíta , nf Definition avisu a su pretore, a tribbunale po calecunu pretu; avisu de pagamentu e fintzes genia de singiale de su chi depet acontèssere / dare tzitas = atzitzare, ispuntorzare, donai ocasioni, dare aggheju Synonyms e antonyms tzitu 2 Sentences su marisciallu che giughet una carta de bullu cun sa tzita a sa giustíssia pro li fàghere su dibbatimentu ◊ a candho est sa tzita pro cussu dibbatimentu? 2. si no farto, custa tzita est cosa de pagare! ◊ custa est sa tzita de pagamentu de sa lughe 3. Pascualinu dabat tzitas a su socronzu a mandhare su telegramma ◊ Chischedha possediat unu giosso in domo de su connau e non liu aiat mai chérfiu tzèdere: pro cussu fint sèmpere a fustes ritzos e dàndhesi tzitas Etymon spn. cita Translations French sommation de payement English summons, payment advice Spanish citación, apremio, premonición Italian citazióne, avviso di pagaménto, premonizióne German Vorladung, Zahlungsanzeige.