Ditzionàriu in línia
de sa limba e de sa cultura sarda

bidrièra , nf: birdiera, bivriera, fridiera, virdiera Definition apertura serrada a imbidros Synonyms e antonyms imbirdiara Sentences passai oras e oras in sa bidriera de su bracone e dogni passu chi intendhia mi pariat issu ◊ sartidimí sa birdiera e bandit a pratza a fai sa parlata! Etymon spn. vidriera Translations French vitrage English glass door Spanish vidriera Italian vetrata German Glaswand.

giànna , nf: cianna, enna, zanna* Definition in is domos, s'apertura de pòdere passare sa persona, a paris a terra, e su trastu chi si ponet a dha mantènnere serrada Synonyms e antonyms polta Idioms csn: g. abberta in campu = abberta deunutotu; serrare sa g. a coloru, a boe = imbarare sa zanna, serrare ma no deretu, no totu; anta de sa g. = antarile, zannile; istare a g. apare = tènniri sa domu me in sa própiu arruga unu a faci de s'àteru; g. de mesu = porta de aintru de domu, po intrai de su passadissu a un'aposentu, de un'aposentu a s'àteru; g. de s'ànima = buca de s'istògomo, su tretu ifilu de s'istògomo suta de sas primas costas; fàghere giannas, chirchendhe = circai andendi de una domu a s'àtera; gianna de furru = buca de furru Sentences sos mannos naraiant chi sa gianna maleighet a chie no batit cosa a domo ◊ apo frailarzadu ideas mannas pro dare sulcos caldos a s'aficu, pro ispamparriare àteras giannas (G.Fiori) 2. a como apo fatu milli giannas e milli imbenugiadas chirchendhe unu postu ◊ su babbu e su fizu cojadu istant a gianna apare Surnames and Proverbs prb: fulferalzu in gianna temporada manna ◊ in donzi gianna bi at giau Scientific Terminology dmo Translations French porte English door Spanish puerta Italian pòrta German Tür.

imbirdiàra , nf: imbridada, invidriada Definition apertura serrada a imbidros Synonyms e antonyms bidriera, imbirdiera Sentences su callenti úmidu de sa coxina annapat is imbirdiaras, in s'ierru Etymon srd. Translations French vitrage English window, glass door Spanish vidriera Italian invetrïata German Glasfenster.

poltàle , nm: portabi, portai, portale, portali, portalli Definition genna e apertura manna, mescamente de largària, in palàtzios e fràigos mannos, in sa corte Synonyms e antonyms cdh. pultali Idioms csn: abbèrrere a portale, che portale = meda, deretu; portaledhu = zanna manna de domo; portaledha = portellitu Sentences s’arrexonamentu de Maria Rosa beniat isbodhicau a boghe arta de su portellitu pitiu de su portale ◊ si a domo bi arrivit un'stranzu so sempre prontu a li abbèrrere su poltale ◊ su portale che fit rughendhe pupughinau ◊ sos vichinos istavant ammisciaos apare a innantis de su portale ◊ mannu est su portale de crésia! ◊ fia sétziu in s'eca de su pórciu a portali iscampaniau ◊ s'arcu de su portai est fatu a matoni e perda iscrafedhara 2. at abbertu sa buca che portale Scientific Terminology dmo Etymon itl. portale Translations French cochère English main door Spanish portal Italian portóne German Tor.

zànna , nf: cianna, gianna, zenna Definition in is domos, s'apertura de pòdere passare sa persona, a paris a terra, e su trastu chi si ponet po dha mantènnere serrada Synonyms e antonyms polta Idioms csn: buca de zanna = zannile; z. de fora = portarruga, zanna de un'abbertura chi essit a fora de domo; z. de mesu = zanna de intro, pro abbertura tra aposentu e aposentu, tra unu passadore e un'aposentu; bogare una z. = fai un'obertura, me in su muru giai fatu, po dhoi fai sa porta; cantare in z. = fàghere sa serenada a sa fémina; no bi ndh'at unu chi tancat sa z. = no dhoi nd'at unu bellu a fai ccn. cosa, funti totus coment'e nisciunus, fatus e lassaus; bocàreche a ccn. in z. = bogaincedhu de domu Sentences pònnere, abbèrrere, iscanzare, tambare, tancare, serrare, friscare sa zanna ◊ fit sétiu in buca de zanna ◊ ant agatau àteros portones e zennas serradas 2. custos zòvanos, sos bagadios, andhant a cantare in zanna ◊ sa fiza at dimandhatu perdonu, ma sa mama, mancari gai, che l'at bocata in zanna! Scientific Terminology dmo Etymon ltn. ianua Translations French porte English door Spanish puerta Italian pòrta German Tür.