Ditzionàriu in línia
de sa limba e de sa cultura sarda

ciònca , nf: (sa c. = nr. saciònca) tonca, tzonca* Definition genia de pigione chi essit a denote: in Sardigna che abbitat in passera, passat s'ierru e nidat puru; si narat fintzes de unu a disprétziu Synonyms e antonyms antzonca, tzonchita Sentences s'aju sou fit a intèndhere píulos de cionca in note de luna 2. cun tui seu torrara che una cionca canura! Scientific Terminology pzn, otus scops Translations French petit duc English horned owl Spanish autillo Italian assiuòlo German Zwergohreule.

ciuàre , vrb: (ci-u-a-re?) Definition cantare, nau de sa tzonca Sentences cíuat sa tonca, créculat sa rana, ischémiat su biju, grígliat su grígliu Scientific Terminology bga Translations French cri du petit duc English horned owl call Spanish el grito del autillo Italian il vèrso dell'assiuòlo German Gesang der Zwergohreule.

corrúdu , agt: corrutu 1, currudu Definition chi portat corros, corru; nau de unu, chi dhi ant postu corros, chi sa pobidha si dha intendhet cun àteru ómine; su dimóniu Synonyms e antonyms batillosu, coronadu / cdh. currutu / corroi | ctr. múdulu Idioms csn: corrudu e afustigadu, apaliau = chi ndhe tenet sa ruta e su tzurumbone, su dannu e sa befe; su boe narat corrudu a s'àinu = fagheresiche a parte colada, comente faghet su chi tenet sa neghe chi daet sa curpa a s’àteru, de una farta Sentences sas crabas sunt azummai totu corrudas ◊ issu cundennat a totus, no abbàidat ne múdulu e ne currudu 2. leadu già si ndhe at dispiaghere candho chi fit corrudu li ant nadu! 3. est andhadu abbissi li torraiant su chi li deviant e ndh'est restadu corrudu e afustigadu: l'ant mazadu e nadu chi li aiant torradu totu! Surnames and Proverbs prb: su bòi narat corrudu a su muenti Etymon srd. Translations French cornu, cocu English horned, cuckolded Spanish cornudo Italian cornuto German gehörnt.

tzònca , nf: cionca, sonca, tonca, tzonga, tzunca Definition tzonchita, genia de pigione chi essit a denote: in Sardigna che abbitat in passera, che faet s'ierru e nidat puru: sa boghe chi faet candho cantat, ispiuncu Synonyms e antonyms antzonca, assogi, intzonca Sentences sa tzonca est intzunchiendi notesta, trista che campana addopiendi ◊ est tristu che sa tzonca ◊ derisero una tzonca si ch'est bolada sola…◊ sa tzunca cantavat ammutos serente a su putzu Surnames and Proverbs smb: Zonca Scientific Terminology pzn, otus scops scops Etymon srd. Translations French petit duc English horned owl Spanish autillo Italian assiuòlo German Zwergohreule.