àcia , nf: atza 2 Definition capacidade de èssere chentza bregúngia, su bogare face foedhandho, cricandho, fintzes fortza de fàere ccn. cosa; est sa punta acancarronada e segante de sa pruàcia puru / àcias de casu = casu (modhe, nou, friscu) segau a fitas fines e fríssiu in s'ógiu Synonyms e antonyms alidantza, atrevimentu, atzile, bica 1, chighirra, discocu, pronti | ctr. bergugna Idioms csn: parare, tènnere, zúghere a. = pònneresi botu; segai s'a. a unu = irbrunchiàrelu; pigai a. po a. = agatare it'e pistare, fàghere pagu frasca, fàghere in bóidu Sentences pentzai a s'atza chi tenint custus piciochedhus: no arrispetant a nisciunus! ◊ cussa picioca mi parit ca portat atza… e tou! ◊ cussa est fémina chi zughet atza, botu, si imponet ◊ as atza de los giamare "poesia" totu sos tzotzos chi tue impiastas! ◊ benemindi ómini de atza!…◊ unu petorriruju faghiat andhendhe e parendhe semper piús atza 2. solu a fortza de picu, palu e matza potei fagher logu de semenare: però mi ch'est fuida tota s'atza! 3. immoi iscapas a prangi puru, ma cun mei pigas atza po atza: tenis axiu tzerriendi!… (E.Olla)◊ cun megus is ladronis pigant atza po atza e chi mi segant sa matza mi dhus tocu de fogu! Surnames and Proverbs prb: chie at atza at parte Translations French audace English impudence, boldness Spanish audacia Italian audàcia, sfrontatézza German Mut, Frechheit.

discócu , nm Definition su no àere bregúngia nudha, su giúghere atza in su foedhare o in su fàere, su èssere ibregungiu Synonyms e antonyms àcia, alidantza, atrevimentu, atzilia, prontura | ctr. duritu Etymon spn. descoco Translations French impudence English impudence Spanish descaro Italian sfacciatàggine German Frechheit.

isfaciadúra , nf: sfacidura Definition su èssere isfacios, su tènnere atza o botu foedhandho o faendho chentza bregúngia peruna Synonyms e antonyms àcia, atzilia, pronti | ctr. bergugna, duritu Etymon srd. Translations French effronterie English impudence Spanish descaro Italian sfacciatàggine, sfrontatézza German Frechheit, Unverschämheit.

sbregungiméntu , nm Definition su sbregungiri; su tènnere o portare face manna, su èssere chentza bregúngia nudha Synonyms e antonyms sfacidura Etymon srd. Translations French effrontément English impudence Spanish descaro Italian sfacciatàggine German Unverschämtheit.

«« Search again