Ditzionàriu in línia
de sa limba e de sa cultura sarda

arxentziósu , agt, nm Definition chi o chie s'ingéniat e faet, trebballat e si arràngiat Synonyms e antonyms abbretiosu, ingeniosu, talentosu Etymon srd. Translations French industrieux English industrious Spanish industrioso Italian industrióso German betriebsam.

fainéri , agt, nm Definition chi o chie faet sa faina, chi istat sèmpere trebballandho Synonyms e antonyms abbretiosu, contipizosu, fachijolu, trabagliante, trancuineri | ctr. mandrone, praitzosu Sentences fiat unu bonu faineri e manteniat bèni sa família ◊ sas abes sunt che massàgias faineras ◊ cussas sorris funt faineras che abis ◊ custus fradis fiant unu bonu e faineri, s'àteru preitzosu ◊ sas màchinas, lestras faineras, in pagu tempus finint sas fainas ◊ chie est su faineri de custa balentia? Etymon ctl. fainer Translations French laborieux English industrious, hard-working Spanish laborioso, operoso Italian laborióso, operóso, àlacre German arbeitsam, arbeitsamer Mensch.

fracóngiu , agt Definition nau de ccn., chi dhi praghet a fàere, chi si betat a trebballare, fintzes lestru faendho / ideas fracòngias = ?; soli fracóngiu = ? Synonyms e antonyms fachijolu, faidosu, faineri, fracone, trabagliante Sentences no siat setiosa e fracòngia, puru, cussa picioca!…◊ at biu s'ómini fracóngiu? at ingeniau a su babbu! ◊ "maistu fracóngiu" sa genti mi nant: inveci no dh'apu nemmancu tocau! ◊ nonna mi contat ca a is tempus chi furiat piciochedha issa is féminas furiant prus fracòngias Surnames and Proverbs prb: a fémina fracòngia no dhi mancat mai faina Scientific Terminology ntl Etymon srd. Translations French laborieux English industrious Spanish activo, laborioso Italian attivo, laborióso German arbeitsam.

trabagliadòre , agt, nm: traballadori, trabballadore, trabballadori, travagliatore, travalladore, travallatore, triballiadore, trivagliadore, trobagliadore Definition (f. –a) chi o chie trebballat, est trebballandho; chi o chie est donau a su trebballu, trebballat meda Synonyms e antonyms lavorante, marasadore / cdh. trabadhanti, trabadhoni | ctr. mandrone Sentences chini bisat trabballadoris a istracu baratu e masedus, chini trabballadoris cun sa tèssera de su sindacau o de su partidu (F.Carlini) 2. fiza de zente travallatora, at imparatu dae criatura sos secretos de una bona mere de domo ◊ si no fumis istados tribagliadores bonos, in s'alzola bi fumis istados una chida e no tres dies!◊ babbu meu est onestu e trobagliadore fentomadu Etymon srd. Translations French industrieux, travailleur English industrious Spanish trabajador Italian industre, lavoratóre German arbeitsam.