abbétia , nf, nm: abbétiu, bétia Definition su istare abbetiandho, repicandho, sighindho a nàrrere una cosa mancari s'àteru niat chi nono o un'àtera cosa; su naturale de s'abbetiosu Synonyms e antonyms aputa, arraghèscia, arrepedhu, bicàcara, condierra, contumàcia, ghirta, profídia, reota, repitida, rochella, tostorrímine, tricata / abbogu / certu Sentences fiat nàscia un'abbétia tra issus po sciri chini fut su prus importanti ◊ sciat arrespundi a is abbétias de is Giudeus ◊ Pàulu iat fatu nasci un'abbétia manna tra is Fariseus e is Sadduceus (Atus)◊ totus, a s'abbétiu, allutànt is origas ◊ no fiat cumbintu de su chi dhi at nau e at sighiu s'abbétiu 2. sa libbertadi permitit a Pinóchiu de fai is contus cun is isbàglius, cun sa disubbidiéntzia, cun s'abbétia ◊ iat pigau s'abbétiu de narri ca fiat de aici Etymon srd. Translations French obstination, prise de bec English obstinacy, squabble Spanish testarudez, terquedad Italian caparbietà, ostinazióne, battibécco German Starrköpfigkeit, Wortstreit.

impuntigliadúra , nf: impuntilladura Definition su impuntillare Synonyms e antonyms impuntadura Etymon srd. Translations French obstination English obstinacy Spanish obstinación Italian impuntatura German Sichversteifen.

perronía , nf Definition sa calidade de chie portat perra, serrone, de chie, mescamente chentza bisóngiu o arrexone, est malu a adduire a su chi pentzat o bolet un'àteru Synonyms e antonyms abbétia, aputa, cotilesa, intistadura, perra 1, tortia, tostorrímine, tusturrunia Etymon srd. Translations French obstination English obstinacy Spanish obstinación, terquedad Italian ostinatézza German Beharren, Hartnäckigkeit.

puntíglia , nf, nm: puntígliu, puntíllia, puntílliu, puntillu Definition genia de cumportamentu a puntinu ma po no dha giare in bínchida a un'àteru: in positivu, idea, volontade e cumportamentu precisu, sighiu e atentu po bínchere is dificurtades Synonyms e antonyms abbétia, dispítzia, pica 2, pichíglia, repica Idioms csn: fàghere una cosa a puntíglia, a puntillu = coment'e a dirbetu, coment'e cheríndhesi pagare de carchi cosa, pro dare a bídere chi no si lassat cúrrere, chi no si daet in bínchida; èssere a p. de pare = fàgheresi dirbetos, torrare dirbetos unu prus mannu de s'àteru, a chie lu podet fàghere peus o prus mannu; parare p. = learesila sempre a puntillu cun ccn. Sentences paret naschidu surdu pro puntíglia! ◊ no sunt istadas sas puntíglias si no ti apo rispostu a primmu tzinnu (G.Pirisi)◊ ponide a sos puntíglios su crabistu pro ch'in paghe torredes! ◊ ti leei sas arracadas bellas, ma cun sa sólita puntíglia mi las as dispretziadas! 2. si su tempus leas a puntíllia ti campas innoghe chentza emigrare! ◊ bi cheret puntíglia in donzi cosa Translations French entêtement English obstinacy, determination Spanish puntillo Italian puntìglio German Eigensinn.

tostorrímine , nm Definition su èssere tostorrudos, malos a cumbínchere, malos a portare a s'arrexone Synonyms e antonyms abbétia, aputa, arrepedhu, bicàcara, cotilesa, incrudinonzu, malintesa, perra 1, perronia, rochella, tostorrudéntzia, tusturrunia / ttrs. ridortumu Etymon srd. Translations French obstination English obstinacy Spanish testarudez Italian caparbietà, ostinazióne German Starrköpfigkeit.

«« Search again