Ditzionàriu in línia
de sa limba e de sa cultura sarda

búgnu 1 , nm: búngiu 1, bunzu Definition genia de nodu de cosa tostada coment'e nodu de linna, ufradura de pistaduras; si narat fintzes de sa manu serrada a púngiu Synonyms e antonyms abbugnadura, ammaciugadura, buglione, bumburusone, ciumbone, cocoroi 1, giumbu, tofedhada, tzulumbone / ufradura Idioms csn: ossus de búngiu = su primu annugradorzu de sos pódhighes, in sa manu; pesai unu búngiu = fàghere a tzurumbone Sentences me in su truncu de is matas si funt formaus búngius coment'e pinnigosus serraus ◊ de s'arrutroxa ndi tenit is bugnus chi s'at fatu ◊ su pipiu est arrutu e s'at fatu unu bugnu in conca 2. custu linnàmini est prenu de bugnus ◊ candho torras a fàede sa banita, ca est totu a búngios?! 3. in custu letu nc'est unu búngiu… no fait a dhoi crocai! Etymon ctl. bony Translations French bosse English dent, protuberance Spanish abolladura Italian ammaccatura, protuberanza German Beule.

tzúmba , nf: zumba Definition tretu prus artu, chi essit, pesadu a giúmburu, tretu de sa carena cucurúciu, in mesu de palas, a gobba Synonyms e antonyms brunchioni, crocòngia, giumbu, gobba, rumba, tzumbu, tzúmburu, tzurumba | ctr. intradura Sentences pro l'aparisare, custu muru, bi cheret intúnigu meda ca est totu tzumbas ◊ che est addasegus, a cudha bia de sa tzumba de su mundhu ◊ cussu ca triballat sa terra zughet una tzumba in s'ischina Etymon ltn. *gimbus Translations French bosse, saillie English hunch, protuberance Spanish joroba, saliente Italian gòbba, sporgènza, catòrzolo German Buckel, Auswuchs.